Reala puntu barik geratu da, Getafek partida irauli ostean (2-1)
Realak hiru puntu galdu ditu Alfonso Perez Coliseum estadioan, Getafek kontra zuen emaitzari buelta eman ostean. Oyarzabalek partida hasieran sartutako golari erantzuna eman diote bigarrenean Angelek eta Jorge Molinak.
Donostiarrek bikain hasi dute neurketa, erasora jokatuz, eta ahaleginak saria izan du 5. minutuan. Januzajek pase ederra eman dio Mikel Oyarzabali eta bere jaurtiketa gurutzatua Guaitaren ate barruan sartu da.
Gol goiztiarrak kalte egin dio Bordalasen taldeari, are gehiago etxean jokatutako lau partidak galdu egin dituela kontuan izanda.
Realak ez du arazo handirik izan madrildarren eraso apurrei aurre egiteko eta txuri-urdinak lasai aritu dira lehen zatian, Xabi Prietok, Zubeldiak eta Canalesek ezarritako kontrolari esker.
Bigarren zatian, Getafe askoz biziago atera da zelaira, eta arriskua sortu du. Bordalasek bi aldaketa egin ditu, gerora eragin nabarmena izan dutenak: Angel, Portillo eta Sergio Mora sartu ditu zelaian.
Madrildarrak aukera sortzen hasi dira eta azkenean partida iraultzea lortu dute. Banakoa Angelek egin du 77. minutuan, kontraeraso baten ondorioz.
Eta 2 eta 1ekoa penaltiz iritsi da. Iñigo Martinezek falta egin dio area barruan Angeli eta epaileak penaltia adierazi du. Zigorra Jorge Molinak jaurti eta Getafe aurretik jarri du markagailuan.
Azkenean, donostiarrak esku hutsik itzuli dira etxera.
Fitxa teknikoa
2 - Getafe: Guaita; Damián Suárez, Cala, Djené, Antunes; Álvaro Jiménez (Portillo, 69. min), Markel Bergara, Arambarri (Sergio Mora, 69. min), Fajr (Ángel, 56. min); Amath eta Jorge Molina.
1 - Reala: Rulli; Odriozola, Llorente (Elustondo, 67. min), Iñigo Martínez, De la Bella; Xabi Prieto, Zubeldia, Canales (Rubén Pardo, 77. min); Oyarzabal, William José eta Januzaj (Carlos Vela, 59. min).
Golak: 0-1: 5. min Oyarzabal; 1-1: 77. min Ángel; 2-1: 84. min Jorge Molina, penaltiz.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.