Realak kanporaketa bideratu du Canalesen gol eder baten bidez (0-1)
Realak Lleidaren aurka jokatu duen lehen zati ona baliatu du Errege Kopako final-hamaseirenetako joaneko partida irabazteko. Sergio Canalesek 32. minutuan areaz kanpotik indartsu jaurti du, eta baloiak katalanen atea zulatu du era ikusgarrian. Canales golik sartu gabe zegoen 2015eko abendutik.
Talde txuri-urdinak ez du ustekabekorik nahi izan, eta hasieratik ekin dio norgehiagokaren kontrola izateari, kontraerasoan aritzeko asmoz atzean gordeta egon den aurkariaren aurrean.
Januzaj belgikarrak 31. minutuan lehendabiziko aukera garbia izan du, baina haren errematea kanpora joan da gutxigatik. Alabaina, handik minutu batera Realaren gola heldu da, partidan izan den bakarra. Canalesek Lleidak aldendutako baloi bat berreskuratu du zelai erdian, kontrolatu eta bi aldiz pentsatu gabe indartsu jaurti du. Baloia Oliverosen ateko goiko txokoetako batetik sartu da, atezaina hura gelditzen saiatu den arren. Alferrik baina.
Bigarren zatia ere Realarena izan da hein handi batean, baina ez lehenengoan bezain argi, eta estualdi bat edo beste pasatu du.
Hartara, Lleidak lehia berdintzeko abagune garbi bat eduki du bigarren zatiaren hasieran, area hertzetik egindako Valienteren erremate batean, baina Gero Rulliren ordez aritu den Toño Ramirezek gelditu ona egin du denboraldiko bere estreinaldian.
Bigarren zati horretan, Juanmi eta Canales bera izan dira donostiarren arriskua eraman dutenak, baina markagailuak ez da aldatu.
Horrenbestez, Eusebio Sacristanen mutilek lan asko dute aurreratuta kanporaketa gainditu eta final zortzirenetan jarduteko.
Fitxa teknikoa:
Lleida Sportiu 0: Oliveros; Nuñez, Pumar, Valiente, Andriu Hernández; Trilles, Huertas (Molina, 57. min), Gnning; Nierga (Radulovic, min. 68), Agudo (Mugar, 57. min), Musa.
Reala 1: Toño; Gorosabel, Navas, Iñigo Martínez, De la Bella; Rubén Pardo (Guevara, 70. min), Prieto, Canales; Januzaj (Carlos Vela, 58. min), Juanmi, Oyarzabal (Bautista, 53. min).
Golak: 0-1, 32. min: Canales.
Epailea: Jaime Latre (Aragoiko batzordea). Txartel horiak: Nuñez, Radulovic eta Pumar (Lleida); Carlos Vela (Reala).
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.