Reala nagusi, joko gutxi eta gol asko izan dituen partidan (2-3)
Realak hiru puntuak eraman ditu Benito Villamarin futbol zelaitik (2-3) eta Txapeldunen Ligako postuetan da, oraindik jokatzeke dauden jardunaldiko beste partidetan geratzen denaren zain.
Betisek gogo handia jarri du zelaian, baina ez ditu izandako aukerak aprobetxatu. Eusebiorena, aldiz, ondo landutako taldea da eta ez du ate aurrean barkatu.
Willian Jose eta Juanmiren bajek aukera eman diote Jon Bautista gazteari hasierako hamaikakoan sartzeko, eta ondo baino hobeto aprobetxatu du aukera hori, partidako lehen gola berak egin baitu bederatzigarren minutuan. Gol ikaragarri polita.
Betisek ez du neurketa txarto hasi baina gol horrek min egin dio. Hala ere, andaluziarrak arriskua sortzeko gai izan dira, batez ere korner eta falta jaurtiketetan, eta horrelako jokaldi batean iritsi da banakoa. Aïssa Mandi algeriarrak egin du gola, txilena eder baten bidez.
10 minutu geroago, Xabi Prietok aurretik jarri ditu berriro donostiarrak, urrutitik egindako jaurtiketa ikusgarri batekin. Gol ederra sartu du kapitainak.
Sanabriaren eta Prietoren golak
Bigarren zatian, andaluziarrek ez dute amore eman eta ahaleginak saria izan du 65. minutuan, Sanabriak buruarekin egindako erremate batean. Binakoa jarri du markagailuan Betiseko jokalariak.
Baina Realak azken hitza esan nahi izan du. Nahi, eta lortu. Xabi Prietok hirugarren eta azken gola egin du, bere bigarrena, buruz egindako erremate baten bidez, eta hiru puntuak Donostiara joan dira.
Fitxa teknikoa
2 - Betis: Adán; Rafa Navarro, Mandi, Pezzella, Tosca, Durmisi; Petros (Joaquín, 66. min), Brasanac (Donk, 86. min), Dani Ceballos, Jonas Martin (Tonny Sanabria, 22. min); eta Rubén Castro.
3 - Reala: Rulli; Odrizola, Raúl Navas, Íñigo Martínez, Yuri; Illarramendi, Xabi Prieto, Zurutuza (Granero, 81. min); Canales (Oyarzabal, 66. min), Jon Bautista (Rodrigues, 77. min) eta Carlos Vela.
Golak: 0-1, 9. min: Jon Bautista. 1-1, 16. min: Mandi. 1-2, 26. min: Xabi Prieto. 2-2, 65. min: Sanabria. 2-3, 72. min: Xabi Prieto.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.