Realak eta Eibarrek bina berdindu dute Anoetako derbian
Realak eta Eibarrek bina (2-2) berdindu dute astearte honetan Anoetan jokatu duten derbian. Norgehiagoka joan-etorrikoa izan da, bizia eta polita ikusleentzat. Zoritzarrez Undiano Mallenco epaileak protagonismoa bilatu du erabaki oso txarrak hartuta.
Partidako lehen abagunea Realak izan du. Lehen minutuan Juanmiren jaurtiketa Yoel atezainak arazorik gabe geratu du, eta bi minutu beranduago Ruben Peñak gutxigatik kanpora bidali du errematea. Jarraian, talde armagineko atezainak txuri-urdinen gola eragotzi du Velaren falta jaurtiketari erantzun ona emanda. Abagunerik gabeko minutu batzuen ostean Realak markagailuan aurrea hartu du; Odriozolak erdiraketa egin du hegaletik eta Juanmik 1-0ekoa sartu du. Gola hartu ostean Eibarrek berdinketaren bila jo du, eta 24. minutuan aukera bikoitza izan dute armaginek: Rullik Inuiren errematea desbideratu du lehenik eta jarraian Yurik Eibarren gola eragotzi du Peñaren errematea kornerrera desbideratuta. Korner horretan armaginek gola sartu dute Escalanteren bitartez (1-1). Atsedenaldira iritsi orduko Yurik eskuarekin moztu du baloia area barruan, baina epaileak ez du ezer adierazi.
Bigarren zatia hasi bezain laster Lejeunek bigarren txartel horia ikusi du, eta egotzia izan da. Eibar hamar jokalarirekin geratu da. Neurketako 53. minutuan Oyarzabalek abagune argia galdu du jaurtiketa Yoel atezainaren eskuetara bidalita. 58. minutuan, ordea, Reala izan da hamar jokalarirekin geratu dena Juanmik bigarren txartel horia ikusi baitu. Undiano Mallenco epailea protagonista bilakatu da Anoetan eta 66. minutuan txuri-urdinen aldeko penaltia adierazi du; Iñigo Martinez lurrera joan da area barruan Yoelen aurrean eta Velak 2-1ekoa sartu du penaltiz. Jokaldi horretan Jose Luis Mendilibar entrenatzailea egotzi du epaileak. Eibarri maldan gora jarri zaio norgehiagoka eta Realak lehia erabakita uzteko aukera izan du 84. minutuan, baina Oyarzabalen errematea gora joan da Velaren pase on bat jaso ostean. Eibarrek ez du etsi azken unera arte eta 93. minutuan Pedro Leonek binakoa (2-2) egin du area barruan baloia jaso eta Rulli atezaina gaindituta. Amaieran, puntu banaketa Anoetako derbi gipuzkoarrean.
Fitxa teknikoa:
2 - Reala: Rulli; Odriozola, Iñigo Martinez, Navas, Yuri, Illarramendi, Zurutuza (Granero, min. 60), Xabi Prieto; Juanmi, Vela (Canales, min. 86) eta Oyarzabal.
2 - S.D. Eibar: Joel; Ramis, Luna, Dani Garcia, Arbilla; Florian Lejeune, Pedro Leon, Escalante (Sergi Enrich, min. 73); Peña (Bebe, min. 83), Rivera eta Inui (Dos Santos, min. 55).
Golak: 1-0, min. 14: Juanmi. 1-1, min. 26: Escalante. 2-1, min.68; Carlos Vela, penaltiz. 2-2, min. 92: Pedro Leon.
Epailea: Undiano Mallenco.
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.