Realaren gol festa Anoetan Las Palmasen aurka
Realak garaipen handia eskuratu du Las Palmasen aurka Anoetan, denboraldiko lehenengoa etxean. Txuriurdinak aurkaria baino hobeak izan dira hasieratik bukaerara arte.
Izan ere, neurketa hasi eta berehala iritsi da donostiarren lehenengo gola. Willian Josek, protagonista talde ohiaren aurka, Simoni aurrea hartu eta gola sartu dio Javi Varasi.
Kanaria Handiko taldeari baloia utzi dio Realak, eta areatik kanpoko jaurtiketen bidez saiatu dira Roque Mesa eta Araujo, baina 22. minutuan norgehiagokaren jokaldirik erabakigarriena heldu da. Boatengek, atean zegoela, eskuarekin atera du Willian Joseren erremate bat, eta epaileak txartel gorria atera dio. Penaltia Carlos Velak sartu du.
Bi gol alde izanda eta jokalari bat gehiagorekin, Realaren garaipena ziurra izan da. Etxekoek ondo kudeatu dute egoera, eta hirugarren gola sartu dute. Zurutuza izan da, buruz.
Bigarren zatian, Realak oso nagusi izaten jarraitu du. Xabi Prietoren erremate baten ostean, Las Palmasek bigarren penaltia egin du. Simonek Oyarzabal bota du lurrera, eta Willian Josek ez du barkatu.
Oraindik ere Las Palmasen ohorearen gola ikusteko denbora izan da, Tanarena 56. minutuan, baita Sergio Canalesen debuta ere, bederatzi hilabeteren ostean.
FITXA TEKNIKOA
Reala: Rulli; Zaldua, Iñigo Martínez, Raul, Yuri (Hector Hernández, 31. min); Illarramendi, Oyarzabal, Zurutuza (Canales, 63. min); Willian Jose (Jon Bautista, 77. min), Xabi Prieto, Carlos Vela.
Las Palmas: Javi Varas; Diego Simon, Lemos, Bigas (Artiles, 71. min), Castellano (Helder, 57); Roque, Angel Montoro, Boateng, El Zhar; Tana (Viera, 59), Araujo.
Golak: 1-0, 1. min: Willian Jose. 2-0, 22. min: Carlos Vela, penaltiz. 3-0, 35. min: Zurutuza. 4-0, 52. min; Willian Jose, penaltiz. 4-1, 56. min: Tana.
56. min: Tana.Zure interesekoa izan daiteke
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.