Realak irabazi du Osasunaren aurkako derbia
Realak denboraldiko lehen garaipena lortu du Ligako bigarren jardunaldian Osasunari 0-2 irabazita. Abagune bakarra sortuta lortu dute txuri-urdinek derbia irabaztea. Gorritxoek lehen porrota jaso dute, lehen jardunaldian Malagaren aurka berdindu egin baitzuten.
Partida erritmo biziarekin hasi da. Bi taldeek presio handia egin diote aurkariari eta bietako bat ere ez da baloiaren jabe egiteko gai izan hasierako minutuetan. Norgehiagokak ez du ia abagunerik izan lehen zatian. Partidako lehen gol aukera 29. minutuan etorri da, eta Osasunak izan du; Aitor Buñuelek erdiraketa ona egin eta Oriol Rieraren errematea gutxigatik kanpora joan da. Osasunaren bigarren abagunea 35. minutuan iritsi da, baina Unai Garciaren burukada langa gainetik kanpora joan da. Realak abagune bakarra izan du lehen zatian, 46. minutuan; Osasunak kale egin du defentsan, Zurutuzak lurretik baloia arean sartzea lortu du, Oyarzabalek Juanmiri pasea eman eta honek sare barrura bultzatu du baloia (0-1).
Bigarren zatiaren hasieran erasokor zelairatu da Osasuna, baina Realak azkar moteldu du partidaren erritmoa eta gorritxoek ezin izan dute abagune argirik sortu. Jaime Romerok area kanportik egindako jaurtiketa bat gutxigatik kanpora joan da 65. minutuan, baina Osasunari asko kosta zaio abagune argiak sortzea bigarren zatian. Osasuna ezinean ibili da, eta Reala lasai eta zain atzealdean. Talde txuri-urdinak ez du abagunerik sortu bigarren zatian, baina 81. minutuan Yurik baloi luze bat jarri eta Unai Garciak bere atean sartu du gola (0-2) Nauzet atezaina buruz gain pasata. Bigarren golak partida erabakita utzi du, eta Realak irabazi du euskal derbia.
Fitxa teknikoa:
0 - Osasuna: Nauzet; Javier Flaño (Aitor Buñuel, m.7), David Garcia, Miguel Flaño, Unai Garcia, Clerc; Oier, De las Cuevas, Fran Merida; Jaime (Kenan Kodro, m.74) eta Oriol Riera (Sergio Leon, m.63).
2 - Reala: Rulli; Zaldua (Aritz Elustondo, m.57), Mikel, Iñigo Martinez, Yuri; Illarramendi, Ruben Pardo, Zurutuza; Xabi Prieto, Oyarzabal (Markel Bergara, m.83) eta Juanmi (Carlos Vela, m.65).
Golak: 0-1, m.46+: Juanmi. 0-2, m.81: Unai Garcia, bere atean.
Epailea: Alvarez Izquierdo.
arez Izquierdo. arez Izquierdo.Zure interesekoa izan daiteke
Edin Terzic: “Talde askok sufitzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.