Riazorren puntu bat lortuta hasi du Liga Realak (0-0)
Realak eta Coruñako Deportivok berdindu egin dute BBVA Ligako lehen jardunaldiko partidan.
David Moyes Rizorrera itzuli da, duela bederatzi hilabete Realaren eserlekuan debuta egin zuen futbol zelaira, hain zuzen. Carlos Vela eta aurtengo fitxaketak (Jonathas, Bruma eta Reyes) izan dira donostiarren berritasunak hasierako hamaikakoan.
Orokorrean, partida oso orekatuta egon da. Depor hobeto aritu da hasierako minutuetan, berdegunean lekua hobeto hartuta. Baina Reala hobetzen joan da eta Jonathasek eta Velak arriskua sortu dute galiziarren area inguruan, Elxeko jokalari ohiak izan ditu aukerarik onena. 17. minutuan txilenaz egindako errematea kanpora joan zaio, eta 23.an baselina bat egiten saiatu da, baina Lux Deportivoko atezainak ondo aurreratu zaio.
Deportivoren aukerarik onena Mosquerak izan du urrunetik egindako jaurtiketa baten bidez, baina Rullik ondo erantzun dio eta gola saihestu du.
Bigarren zatia
Atsedenaldiaren ostean, Deportivo izan dugu berriz nagusi zelaian. Borgesen jaurtiketa batek arrisku handia sortu du, baina Rulli eta Reyes artean baloia urruntzea lortu dute. 61. Minutuan etxekoek gola egin dute baina Mateu Lahoz epaileak baliorik gabe utzi du, Borges jokoz kanpo zegoelako, nabarmen.
Reala berriro suspertu da eta aukerak izan ditu, baina ez oso argiak.
Azkenean, ez da golik izan Riazorren, eta Realak eta Deporrek puntu bana lortu dute. Emaitza bidezkoa, zelaian ikusitakoaren arabera.
Fitxa teknikoa:
0 - Deportivo: Lux; Laure, Lopo, Sidnei, Fernando Navarro; Celso Borges, Pedro Mosquera; Juanfran (Fede Cartabia, 74. min), Fayçal Fajr, Cani (Oriol Riera, 63. min); eta Lucas Pérez.
0 - Reala: Rulli; Zaldúa, Diego Reyes, Íñigo Martínez, De la Bella; Markel Bergara, Rubén Pardo; Xabi Prieto, Carlos Vela (Chory Castro, 88. min), Bruma (Canales, 85. min); eta Jonathas.
Zure interesekoa izan daiteke
Luken Beitia: “Penaltira arte partida ona egin dugu”
Luken Beitia Realeko jokalariak taldeak penaltira arte egindako partida ona nabarmendu du.
Reala hondoratu egin da azken minutuetan Atleticoren aurka (0-3)
Partida osoan zehar aurkariari aurre egin ondoren, 84. minutuan egindako penalti batek gidoia erabat aldatu du, 10 minututan hiru gol jasoz.
Realak krisian jarraitzen du eta Teneriferekin berdindu du (1-1)
Realak garaipenik gabe jarraitzen du denboraldi honetan, F Moeve Ligako 3. jardunaldian Teneriferen aurka 1-1 berdindu baitu. Ainoa Campok aurretik jarri ditu txuri-urdinak, baina Eva Vergesek markagailua berdindu du azken minutuetan.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.