Osasunak luzapenean irauli du Getafe (2-1)
Osasunak Getafe garaitu du (2-1) ostiral honetan Sadarren jokatu den LaLiga EA Sportseko 8. jardunaldiko partidan.
Partida nahiko berdinduta hasi da, gorritxoek erasoan ekimen gehiago izan dutelarik, baina benetako arriskurik sortu gabe. Lehen aukera argia Budimirren bolea on bat izan da, gutxigatik desbideratu dena. Baina pixkanaka, Getafe jabetza hartzen joan da eta Osasunari kosta egiten zitzaion baloia mantentzea.
23. minutuan, Millak baloia lapurtu eta area barruan jarri dio Mayorali, eta honek gola sartzea lortu du baloia hanken artetik sartuz Herrerari (0-1).
Aurkako emaitzarekin, talde nafarrak aurrerapausoa eman du eta jokoaren kontrola hartu du. Budimirrek partida berdindu ahal izan du kanpora joan zaion burukada batekin. Osasunak penaltia eskatu du aurrelariak jasandako bultzadagatik, baina epaileak jokoz kanpokoa adierazi du.
Atsedenaldira iritsi aurretik, azken faltan, Bretonesek baloia areatik kanpo jaso du eta bikain jarri du eskuadran partida berdintzeko (1-1).
Bigarren zatian Osasunak Sadarren erakutsi ohi duen indarra ikusi da berriro, baina bere asmoak ez ziren aukeretan islatzen. Eta partida puntu banaketarekin amaituko zela zirudienean, gorritxoek izan duten korner bakarrean, Catenak buruz sartu du markagailua iraultzeko gola (2-1).
Zure interesekoa izan daiteke
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).