Osasuna Europara begira jarri da, Sevillari irabazita (1-0)
Osasunak sufritutako garaipena eskuratu du Sevillaren aurka (1-0) Ruben Garciak faltaz erdietsitako gol eder bati esker, nahiz eta andaluziarrak bat gutxiagorekin aritu diren 60 minutuz, epaileak Dodi Lukebakio egotzi baitu lehen zatian.
Ruben Garciak lortu du neurketako gol bakarra 25. minutuan, falta jaurtiketa izugarri batekin. Gorritxoen erasoko jokalariak angelu-angelutik sartu du baloia, denboraldiko bere laugarren gola erdietsita.
Gauzak gehiago zaildu zaizkio Sevillari 32. minutuan. Izan ere, Adrian Cordero Vega epaileak txartel gorria erakutsi dio Dodi Lukebakio Sevillako jokalariari, Alejandro Catena atzelari gorritxoari esku-zartako bat emateagatik. Catenak falta egin dio aurrelari belgikarrari kontraeraso bat geldiarazten saiatzeko, eta hark hura kolpatuz erantzun du.
Bigarren zatian, dena alde zuela, Osasunak ez du jakin Sevillaren atean arrisku sortzen, eta, aitzitik, Andaluziako taldearenak izan dira aukera nabarmenenak.
Dena dela, Osasunak markagailuari eutsi dio hirugarren garaipena bereganatzeko jarraian, eta horri esker Europako postuekin amesten jarri da, mailari eusteko sufritu beharrean den Sevillaren kontura.
Fitxa teknikoa:
1 - Osasuna: Herrera; Areso, Boyomo, Catena (Bryan, 46. min), Herrando, Bretones (Juan Cruz, 66. min); Pablo Ibañez (Iker Muñoz, 46. min), Torró, Aimar; Rubén García (Kike Barja, 89. min) eta Budimir (Arnaiz, 84. min).
0 - Sevilla: Nyland; Carmona (Suso, 78. min), Badé, Kike Salas, Pedrosa; Agoumé, Saul, Juanlu, Hormigo (García Pascual, 38. min); Sow (Peque, 78. min) eta Lukebakio.
Gola: 1-0, 25. min: Rubén García.
Epailea: Cordero Vega (Kantabriako Batzordea). Txartel horiak: Pablo Ibañez, Areso, Catena eta Bryan (Osasuna); Carmona eta Juanlu (Sevilla). Gorria atera dio Lukébakiori 32. minutuan, Catenari besoarekin emandako kolpe bategatik.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.