Osasunak ezin izan du Bartzelona geldiarazi (3-0)
Osasunak 3-0 galdu du Bartzelonaren aurka ostegun honetan Montjuicen jokatu duen EA Sports Ligako 27. jardunaldiko partida atzeratuan. Ferranek, Olmok, penaltiz, eta Lewandowskik sartu dituzte Kataluniako taldearen golak, gorritxoak defendatzeko aukera baino ez dutelarik izan aurkarien nagusitasun argiaren aurrean.
Kataluniako taldeak -txapelketako liderrak- bere zelaian giltzapetu ditu gorritxoak lehen momentuetatik, eta, ondorioz, aukerak berehala iritsi dira. Horrela, 11. minuturako Barçak markagailua ireki du. Jokaldi ona egin dute taldean, gero Balderi baloia ireki eta hark Ferran Torresi pasea emateko. Ferran denarekin sartu da gola sartzeko (1-0).
Aurrelari valentziarra bigarrena sartzear izan da Lamine Yamalen pase bikaina jasota, baina Sergio Herrera gainera bota zaio jaurtiketa ixteko.
20 minutura iritsi aurretik, Nafarroako taldeko atezainak lurrera bota du Olmo area barruan, eta epaileak penaltia adierazi du. Olmo bera arduratu da jaurtitzeaz, baina Herrerak norabidea asmatu eta gelditu egin du. Hala ere, pozak gutxi iraun dio Osasunari; izan ere, Moncayola goizegi sartu da areara eta penaltia errepikatu behar izan da. Olmok ez du huts egin oraingoan (2-0).
Osasuna erasoan min gehiago egiten saiatu den arren, partidaren gidoia ez da aldatu eta etxekoek nagusi izaten eta gorritxoen area erasotzen jarraitu dute. Gainera, Iker Muñozek minduta utzi behar izan du zelaia; Ruben Garciak ordezkatu du.
Atsedenaldiaren ostean, Moreno freskotasuna sartzen saiatu da Boyomo, Budimir eta Moi Gomezekin, Arnaiz, Raul Garcia eta Oroz ordezkatuz, baina ez da ezer aldatu zelaian.
Azken minutuetan, Lewandowskik behin betiko gola sartu du kontraeraso azkar batean, eta Osasunak sei jardunaldi daramatza irabazi gabe (3-0).
Fitxa teknikoa:
3 - Bartzelona: Szczesny; Kounde, Eric Garcia, Iñigo Martínez, Balde (Gerard Martin, 83. min); De Jong (Pablo Torre, 46. min), Pedri (Pau Víctor, 84. min); Lamine Yamal, Olmo (Fermin, 28. min), Gavi; eta Ferran Torres (Lewandowski, 68. min).
0 - Osasuna: Sergio Herrera; Areso (Ruben Peña, 84. min), Catena, Juan Cruz, Herrando; Ibañez, Iker Muñoz (Ruben Garcia, 34. min), Moncayola; Jose Arnaiz (Boyomo, 46. min), Aimar Oroz (Moi Gomez, 61. min) eta Raul (Budimir, 60. min).
Golak: 1-0: Ferran Torres, 11. min. 2-0: Olmo (pen.), 21. min. 3-0: Lewandowski, 77. min.
Epailea: Busquets Ferrer. Txartel horia atera die Sergio Herrera, Catena, Eric Garcia eta Juan Cruz jokalariei.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.