Herreraren geldiketak ez dira nahikoa izan Osasunaren porrota ekiditeko Celtaren aurka (1-0)
Osasunak 1-0 galdu du Celtaren aurka ostiral honetan Balaidosen jokatu den EA Sports Ligako 25. jardunaldiko partida. Herrera izan da gorritxoen artean onena, funtsezko geldiketak egin baititu, baina horrek ere ezin izan du Nafarroako taldearen porrota saihestu, Aspasek sartutako penalti bat nahikoa izan baita hiru puntuak etxean geratzeko.
Gorritxoak ondo hasi dira, aukera bikoitzarekin. Lehenengo, Torro buruz saiatu da korner batean, eta, ondoren, Budimirrek area barrutik egindako jaurtiketa desbideratuta joan da. Bryan Zaragozak ere ezin izan du Boyomoren pase sakon bat aprobetxatu, baloia kanpora joan baitzaio.
Bayern Munichek utzitako muturrekoa etengabeko arriskua izan da etxekoen atzelarientzat, ez baitute gelditzeko modurik aurkitu. Osasuna erasoan aritu da lehen zatian; defentsan, gainera, ondo kokatu da, eta ez dio hutsunerik utzi Celtari.
Etxekoak gehiago animatu dira erasoan, eta gorritxoen areara hurbilketaren bat edo beste egin dute, baina ez Herrerak ez Guaitak ez dute esku-hartze handirik izan lehen 45 minutuetan, kontraeraso bat mozteko Herrerak izan duen jarduna izan ezik.
Bigarren zatia etxekoen nagusitasunarekin hasi da, eta lehen minutuetan Herrerak geldiketa salbatzailea egin behar izan du Carreiraren jaurtiketa sare barrura ez sartzeko. Celtak gora egin du.
Partida ordubetera heldu denean, jokoa eten egin behar izan da momentu batez, harmailetatik objektu bat jaurti dutelako Herrerak babestutako atera. Hurrengo jokaldian, atezain gorritxoak beste geldiketa bikain bat egin dio Swedbergi, baina jokaldia ezerezean utzi du epaileak, Celtako jokalaria jokoz kanpo zegoelako.
Geroxeago Catenak Borja Iglesiasi nahi gabe egindako falta batek Celtaren aldeko penaltia ekarri du. Iago Aspasek, sartu berritan, aurretik jarri ditu bereak (1-0).
Gola kolpe latza izan da Osasunarentzat, eta aurkaria jokoa bereganatzen joan da. Gorritxoek maila jaitsi dute erasoan, eta ez dute jokaldirik lotzea lortu. Are gehiago, Celta izan da bigarren goletik hurbilago egon dena.
Azkenean, Osasunak ezin izan du ezer positiborik atera Balaidostik.
Fitxa teknikoa:
1- RC Celta: Guaita; Javi Rodríguez, Starfelt, Marcos Alonso; Mingueza (Jailson, 84. min), Hugo Sotelo (Fran Beltrán, 77. min), Moriba, Carreira; Fer López (Iago Aspas, 64. min), Williot (Iker Losada, 84. min) eta Borja Iglesias (Pablo Durán, 77. min).
0- Osasuna: Sergio Herrera; Rubén Peña, Catena (Rubén García, 72. min), Boyomo, Herrando eta Abel Bretones (Arnaiz, 84. min); Moncayola (Iker, 84. min), Torró eta Moi Gómez (Barja, 80. min); Budimir eta Bryan Zaragoza (Raúl, 80. min).
Golak: 1-0 Iago Aspas (p), 67. min.
Epailea: Sánchez Martínez (Murtziako Batzordekoa). Txartel horia atera dio Fer López Celtako jokalariai (39. min).
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.