Garaipenak ihes egin dio Osasunari azken minutuan Las Palmasen aurka (1-1)
Osasunak bana berdindu du Las Palmasen aurka ostiral honetan Kanaria Handian jokatu den EA Sports Ligako 21. jardunaldiko partida. Aimar Orozek sartu du gorritxoen gola, baina Januzajek partida berdindu du faltaz azken minutuan.
Kanariarrek hobeto hasi dute partida, lehen minutuetan kontrola hartuta. Baina gorritxoek berehala hartu dute erritmoa eta euren lehen abagunea geldikako baloi batean iritsi da, area ertzean egindako falta batean. Ruben Garciaren jaurtiketa gora joan da gutxigatik.
Oro har, lehen zati parekatua izan da, eta bi taldeetako batek ere ez dio aurkariari minik egin. Nafarren aldetik, areara hurbilketaren bat edo beste izan dute, batez ere hegaletik Aresoren abiadura aprobetxatuz, baina azken metroetan argitasuna falta izan zaie.
Aukerarik argienak Budimirren oinetatik heldu dira. Lehenengoan, atezainari izkin egitea lortu du, eta, baloia defendatzailearen gainetik botatzerakoan, gora joan zaio atea hutsik zuela; hala ere, jokaldia baliogabetuta zegoen jokoz kanpokoagatik. Handik gutxira, kroaziarrak ondo lotu du jaurtiketa, baina Cillessenek geldiketa ikusgarria egin du gola saihesteko.
Atsedenaldira joan aurretik, Kike Barjak zutoinera jaurti du baloia.
Bigarren zatian Osasuna intentsitate handiz zelairatu da eta denbora gutxi behar izan du markagailua irekitzeko. Aresok hegaletik erdiratu du, Barjak buruz errematatu du, Budimirrek atzera pasa du eta Orozek sare barrura bidali du baloia (0-1).
Emaitza alde zutela, gorritxoek erritmoa jaitsi eta baloiaren jabetza mantendu dute. Baina Las Palmasek bizirik jarraitzen zuen, eta Sandro markagailua berdintzeko zorian egon da, Siveraren geldiketa bikainagatik ez bada.
Partida berotzen joan da, alde batetik bi taldeen urduritasunagatik eta bestetik epailearen erabakiengatik; izan ere epaileak 15 txartel hori atera ditu. Horietako bat Essugoren bigarrena izan da, 72. minutuan kanporatua izan dena.
Sivera ezinbestekoa izan da aurkarien zenbait jokaldi arriskutsu zapuzteko, atea itxita mantendu dute eta Osasunak garaipena eskuratu du.
Osasunak garaipena lortuko zuela zirudienean, Januzajek partida berdindu du faltaz, baloiak hesian jo ondoren, eta Siverak ezin izan du gola saihestu (1-1).
Fitxa teknikoa:
1- Las Palmas: Cillessen; Javi Muñoz, Alex Suarez (Januzaj, 81. min), McKenna, Mika Marmol; Essugo, Kirian (Pelmard, 81. min); Sandro, Manu Fuster (Mata, 57. min), Moleiro (McBurnie, 90+2. min); eta Fabio Silva.
1- Osasuna: Sergio Herrera; Areso (Herrando, 90. min), Boyomo, Catena, Juan Cruz (Peña, 90. min); Iker Muñoz, Moncayola (Ibañez, 70. min); Ruben Garcia, Aimar, Kike Barja (Abel Bretones, 58. min); eta Budimir (Raul Garcia, 70. min).
Golak: 0-1, 53. min: Aimar. 1-1, 90+8. min: Januzaj.
Epailea: Jesus Gil Manzano. Bigarren txartel horiarekin kanporatu du Dario Essugo. Gainera, txartel horia atera die Fuster, Silva, Suarez, Pelmard, Januzaj, Barja, Areso, Catena, Moncayola, Boyomo, Ruben Garcia, Herrando eta Iker Muñoz jokalariei.
Zure interesekoa izan daiteke
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.