Osasunak gol zaparrada jaso du Bernabeun, partida kaskarra eginda (4-0)
Osasunak porrot argia jaso du Santiago Bernabeun EA Sports Ligako 13. jardunaldiko partidan. Vinicius izan da neurketako izarra, hiru gol sartuta. Bellinghamek ere gola egin du, denboraldi honetan sartu duen lehenengoa.
Ancelottiren taldearentzat partida garrantzitsua zen gaurkoa, aurretik Bartzelonaren eta Milanen aurka jokatutako azken bi norgehiagokak galdu baitzituen. Gainera, gauzak ez dira ondo hasi zurientzat, lehen ordu erdian hiru jokalari lesionatu baitira: Rodrygo Goes, Eder Militao eta Lucas Vazquez.
Aurreikuspenen arabera, Osasuna Ligan egiten ari den lan txukuna ikusita (gorritxoak bosgarren dira sailkapenean), aukera ederra zirudien Madrilen etxetik punturen bat urratzeko. Vicente Morenoren taldeak, baina, ez du maila eman.
Lehen zatiko lehen minutuetan ez da gol aukerarik izan, ez arriskuko jokaldi nabarmenik ere. Lehen gola 34. minutuan iritsi da: Viniciusek sartu du, jokaldi pertsonala eginda.
Bigarrena 42.ean egin du Bellinghamek, Osasunaren defentsaren huts nabarmena aprobetxatuta. Aurrelari ingelesak denboraldi honetan sartu duen lehen gola da.
Viniciusek, beste bi
Atsedenaldiaren ostean, gauzak ez dira aldatu. Osasunak desagertuta jarraitu du, eta golak etxekoek egin dituzte, beste munduko ezer egin gabe.
3 eta 0ekoa 61. minutuan egin du Viniciusek, Andriy Lunin atezainak emandako pase bikaina aprobetxatuta.
Zortzi minutu geroago, brasildarrak laugarrena sartu du, bere hirugarrena, Brahimek egindako paseari esker.
Azkenean, 4 eta 0 Osasuna galtzaile, ahazteko moduko partidan.
Fitxa teknikoa:
4 - Real Madril: Andriy Lunin; Lucas Vázquez (Luka Modric, 46. min), Eder Militao (Raul Asencio, 29. min), Antonio Rüdiger, Fran Garcia; Eduardo Camavinga, Fede Valverde, Jude Bellingham (Arda Güler, 75. min); Rodrygo Goes (Brahim Diaz, 20. min), Vinicius Junior (Endrick, 75. min) eta Kylian Mbappe.
0 - Osasuna: Sergio Herrera; Jesus Areso, Alejandro Catena, Flavien Boyomo, Abel Bretones; Lucas Torro; Ruben Peña (Raul Garcia, 59. min), Jon Moncayola (Iker Muñoz, 82. min), Aimar Oroz (Ruben Garcia, 71. min), Bryan Zaragoza (Jose Arnau, 82. min); eta Ante Budimir (Moi Gomez, 71. min).
Golak: 1-0, 34. min: Vinicius. 2-0, 42. min: Bellingham. 3-0, 61. min: Vinicius. 4-0, 69. min: Vinicius.
Epailea: Mario Melero Lopez (Andaluziako Batzordekoa). Txartel horia atera die Osasunako Alejandro Catena (56. min) eta Lucas Torro (88. min) jokalariei.
Zure interesekoa izan daiteke
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).