Osasunak azken entrenamendua egin du Taxoaren, Belgikara abiatu aurretik
Osasunak azken entrenamendua egin du goizean Taxoaren, Brujasen aurkako kanporaketari buelta emateko asmoz Belgikara bidaia egin aurretik. 1-2 galdu zuten gorritxoek ostegunean Iruñean jokatutako Konferentzia Ligako joaneko partidan.
Gorritxoak ilusioz daude LaLiga EA Sportsen Valentziaren aurka garaipena lortu ostean. Nacho Vidalek 95. minutuan egindako golak mutu utzi zituen Mestallako zaleak.
Jagoba Arrasatek hiru entrenamendu ditu bakarrik Brujasen aurkako norgehiagoka garrantzitsua prestatzeko. Kirol mailan, Belgikako taldea kanporatuko balu, multzoen fasea jokatuko luke berriro, 16 urteren ostean. Arlo ekonomikoari dagokionez, Konferentzia Ligan aurrera egiteak bultzada ekonomikoa emango lioke taldeari, eta, ondorioz, beste fitxaketaren bat egiteko aukera.
Abderen izenak indarra hartu du berriro azken orduetan. Marokoarrak ez du berak nahi duen protagonismoa Bartzelonaren jokoan, eta irteera bat bilatzen ari omen da. Horren ezaugarriak Arrasateren premiak asetzeko modukoak lirateke, eta horrek, jokalaria iaz Iruñean egon zela kontuan izanda, horren alde egitea dakar.
Goizeko entrenamenduan, taldeak penalti jaurtiketak landu ditu; beraz, Arrasatek ez du kanporaketaren bilakaeran ezer baztertzen.
Ostegunera begira, Chimy Avila jokatzeko moduan dago, Valentziaren aurka zigortuta egon ostean. Argentinarrak sartu zuen Osasunak Brujasi egindako gol bakarra.
Asteazkenean, taldeak Ostendera bidaiatuko du, arratsaldean Jam Breydel zelaian entrenatu ahal izateko, partida historikoa izan daitekeenaren atarian.
Neurketa zuzenean emango dute eitb.eus-ek eta ETB1ek, ostegunean, 20:30etik aurrera.
Zure interesekoa izan daiteke
Braulio Vazquezek Osasuna utzi du, eta Catak hartu du kirol zuzendaritza
Orain arteko kirol arduradun nagusiak, prouektu profesional berria hasiko du Valentzia taldean. Hori dela eta, talde valentziarrak bere etete-klausulari dagozkion 290.000 euroak ordainduko ditu.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Bigarren porrota jarraian Osasunarentzat (0-2)
Nafarrek bi gol jaso dituzte lehen 20 minutuetan eta, saiatu diren arren, ez dute Espanyolen atea zulatzeko modurik aurkitu.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.