Osasunak galdu egin du liga txapelketa ospatzear den Bartzelonaren aurka (1-0)
Osasuna galtzaile atera da LaLigako 33. jardunaldian Bartzelonaren aurka Camp Nou zelaian jokatutako partidan. Neurketako gol bakarra Jordi Albak egin du, 85. minutuan.
Lehen zatiko gertakizunik nabarmenena Jorge Herrando Osasunako jokalari gazteari epaileak ateratako txartel gorri zuzena izan da. 27. minutuan, Herrandok heldu egin dio Pedriri, Bartzelonako jokalaria Aitor Fernandezen atera bakar-bakarrik zihoanean.
Xaviren taldean, entrenatzaileak Gavi zelaitik kendu behar izan du 36. minutuan, eskuineko zangoan min hartu duelako.
Lehen zatian, bi taldeek ez dute ate barrura jaurtiketarik egin. Aukerarik argiena Bartzelonak izan du, 25.minutuan, Alejandro Baldek ezkerretik egindako jokaldian, baina Pedrik ez du errematean asmatu.
Bigarren zatian, Bartzelona erasokorrago aritu da, garaipenaren bila, eta arrisku handia sortu du nafarren arean.
Argienak Frenkie de Jongek 56.ean egindako errematea eta Dembeleren erremate bat izan dira.
Gainera, 79. minutuan, VAReko epaileak baliorik gabe utzi du Lewandowskik egindako gola, aurretik Ferran Torres jokoz kanpo zegoela ikusita.
Partidako gol bakarra Jordi Albak egin du, 85. minutuan.
Osasuna taldean, nabarmentzeko modukoa da Aitor Fernandez atezainak egindako lan bikaina. Nafarrek ere izan dute gol aukeraren bat, Iker Muñozek 66.ean izandakoa, esaterako, baina Ter Stegenek ondo erantzun dio.
Azkenean, Bartzelona garaile. Kataluniako taldeak esku-eskura du liga txapelketa irabaztea.
Fitxa teknikoa:
1 - Bartzelona: Ter Stegen; Kounde, Araujo, Christensen (Eric García, 52. min), Balde (Jordi Alba, 75. min); Sergio Busquets (Ferran Torres, 75. min), Frenkie de Jong, Pedri; Raphinha (Dembele, 52. min), Lewandowski eta Gavi (Ansu Fati, 36. min).
0 - Osasuna: Aitor Fernández; Diego Moreno, Unai García, Herrando, Manu Sanchez; Torro (Juan Cruz, 59. min), Aimar (Iker Muñoz, 46. min), Ibañez; Iker Benito (Aridane, 70. min), Chimy Avila (Kike García, 59. min) eta Ruben Garcia (Kike Barja, 46. min).
Golak: 1-0: Jordi Alba, 85. min.
Epailea: Iglesias Villanueva (Galiziako batzordekoa). Txartel gorria atera dio Osasunako Herrando jokalariari (27. min).
Zure interesekoa izan daiteke
Braulio Vazquez, Osasunaren agurrean: “Gozatu eta sufritu egin dugu elkarrekin. Denak du amaiera”
Braulio Vazquez Osasunako kirol zuzendari ohiak agur esan dio talde gorritxoari astelehen honetan emandako prentsaurrekoan. Hamar urteko ibilbidearen ostean, Vazquez Valentzian arituko da lanean aurrerantzean.
Braulio Vazquezek Osasuna utzi du, eta Catak hartu du kirol zuzendaritza
Orain arteko kirol arduradun nagusiak, prouektu profesional berria hasiko du Valentzia taldean. Hori dela eta, talde valentziarrak bere etete-klausulari dagozkion 290.000 euroak ordainduko ditu.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Bigarren porrota jarraian Osasunarentzat (0-2)
Nafarrek bi gol jaso dituzte lehen 20 minutuetan eta, saiatu diren arren, ez dute Espanyolen atea zulatzeko modurik aurkitu.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.