Osasunak aurrera egin du Erreginaren Kopan Seccio Esportiva AEM taldearen aurka garaipena eskuratuta (1-0)
Osasunak aurrera egin du Erreginaren Kopan astearte honetan (irailak 13) Seccio Esportiva AEM taldeari 1 eta 0 irabazita txapelketako lehen kanporaketako partida.
Nafarroako eta Kataluniako taldeen arteko neurketa jokatu egin da, biak Bigarren Mailakoak baitira (1. RFEF) eta epailea ere ez denez Lehen Mailakoa (Liga F), ez dio eragiten Liga Fko epaileen grebak.
Lehen zatia parekatua izan da. Osasunak area kanpotik egin ditu saiakerak, baina ez du aurkariaren atea zulatzea lortu. Lehen 45 minutuetako abagune argiena talde gorritxoak izan du, baina Vilariñok ez du asmatu Miriam Rivasen pasea jaso ostean. Norgehiagoka golik gabe iritsi da atsedenaldira (0-0).
Bigarren zatiari bikain ekin dio Osasunak, hirugarren minutuan Iara Lacostak gola sartu baitu (1-0), atezainaren aurrean bakarrik geratu eta baloia ate barrura bidalita.
Norgehiagokako azken txanpan berdinketaren bila jo du Seccio Esportiva AEM taldeak; Osasunak, ordea, ondo eutsi dio defentsako lan ona eginda. Talde bisitariak abaguneak izan ditu amaieran, ez da gola sartzeko gai izan, eta garaipenak ez dio ihes egin talde gorritxoari (1-0).
Fitxa teknikoa:
Osasuna: S. Perez, Saioa (Merche Izal, 85. min), Vera, Josune, Celia (Julia, m. ), Miriam Rivas, Leyre F., Vilariño (Iara, m. 45), Arantxa, Alexia Jr. (P. Zugasti, 78. min) y Karolina (M. González, m. 60).
SE AEM: Mireya G., Cristina, Chibita M. (Jeni, 68. min), Nadia, Astrid, Lara (A. Gomez, 58. min), Mariajo, Patri T., Tamara, Anita (Astudillo, 58. min) eta Laura F. (Vivi, 58. min).
Gola: 1-0 (48. min): Iara Lacosta.
Epailea: Patricia Bianca Cosma Haiduc. Txartel horiak atera dizkie Karolina Osasunako jokalariari, baita Anita eta Nadia SE AEM taldeko futbolariei.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).
Osasunak denboraldiaurreko lehen porrota jaso du Napoliren aurka, Italian (2-1)
Italiako taldearen aldeko lehendabiziko gola Mateo Politanok sartu du, 27. minutuan. Atsedenalditik bueltan, 53. minutuan, Lorenzo Luccak bigarrena egin du. Osasunaren gol bakarra penaltiz iritsi da. Ante Budimirrek, 69. minutuan, bete-betean asmatu du hamaika metroetatik.