Osasuna porrotarekin atera da Valdebebasetik (2-0)
Osasunak galdu egin du (2-0) Real Madrilen aurka larunbat honetan, Santander Ligako 34. jardunaldian, azken 15 minutuetan Militaok eta Casemirok sartutako golen bitartez.
Talde gorritxoa eta madrildarra aurkariaren atera hurbilketa arriskutsuak eginez ibili dira lehen zatian zehar, baina etxekoak sarriago eta arrisku handiagoarekin iritsi dira nafarren ate inguruetara. Aitzitik, hortxe agertu da Sergio Herrera atezaina aparteko geldituak egin eta Zidanek zuzentzen duen taldearen gola ekidinez.
Chimy Avila hamaikakora itzultzea, Javi Martinez etorkizun handiko jokalariaren kalitatea eta Moncayola izan dira gorritxoen argudio nagusiak Madrilen aurka.
Talde zuriak, bere aldetik, zenbait txandakatze egin ditu, asteazken honetan Chelsearen aurka Londresen jokatu behar duen Txapeldunen Ligako finalerdietako itzulikoan pentsatuta. Hala, Hazard belgikarra hasieratik aritu da, eta bera izan da etxekoen aldetik jokalari nabarmenena lehen zatian.
Aitzitik, belgikarrari punteriak huts egin dio, Zidaneren mutilen gainerakoei bezala, urrutiko jaurtiketekin. Dena den, mehatxu handiena goitikako jokotik iritsi da Osasunaren atera, Militaok sekulako geldituak egitera behartu baitu Herrera.
Atsedenaldiaren ostean, Osasunak atzean eutsi dio, eta Madrili energia falta izan zaio. Etxekoen nekea nabaria zen bigarren zatian, eta, halako batean, nafarrek kontraeraso argi bat alperrik galdu dute.
Hala, partida azken txanpan sartu da, eta korner batean Militao agertu da berriro, baina oraingoan baloia sarera bidali du. Jarraian, Casemirok bigarrena erdietsi du, ia nahi gabe, Benzemaren pase eder bat baliatuta.
Fitxa teknikoa:
2 - Real Madril: Courtois; Odriozola, Militao, Varane (Nacho, 46. min), Marcelo (Miguel Gutiérrez, 64. min); Casemiro, Antonio Blanco, Marco Asensio (Arribas, 83. min); Hazard, Vinicius (Rodrygo, 64. min) eta Benzema.
0 - Osasuna: Sergio Herrera; Nacho Vidal, Aridane, David García, Manu Sánchez; Roberto Torres (Kike Barja, 81. min), Lucas Torró (Jony, 84. min), Moncayola, Javi Martínez (Brasanac, 64. min); Rubén García (Adrián, 81. min) eta Chimy Ávila (Budimir, 64. min).
Golak: 1-0, 76. min: Militao. 2-0, 80. min: Casemiro.
Epailea: Cuadra Fernández. Txartel horiak: Javi Martínez eta Oier Sansurjo (Osasuna).
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.