Osasunak salbazioa ia bermatuta utzi du, Valentziaren aurka garaipena lortuta
Osasunak garaipena lortu du Valentziaren aurka (3-1) asteazken honetan jokatu duen Santander Ligako 31. jardunaldiko partida, hirugarren neurketa jarraian irabazi du, eta 40 punturekin salbazioa ia bermatuta utzi du.
Osasuna hasieratik egin da baloiaren jabe, eta 13. minutuan gola sartu du Javi Martinezen bidez (1-0); Musahek kontrol txarra egin du Jaume atezainaren pasea jasotzerakoan, Callerik pasea eman dio Javi Martinezi, eta honek ez du barkatu Valentziaren ate aurrean.
Neurketako lehen golaren ostean, Gonçalo Guedesek kanpora jaurti du talde bisitariaren lehen abagunean. Valentziari asko kosta zaio Sergio Herrerak babestutako atera gerturatzea, baina 30. minutuan Kevin Gameirok banakoa (1-1) jarri du markagailuan, Guedesen pase on bat jaso ostean.
Gola jaso eta bi minutu beranduago, Gaya Valentziako jokalariak huts egin du, Javi Martinezek baloia berreskuratu, eta Callerik gola sartu du (2-1). Talde gorritxoa gol bateko errentarekin iritsi da atsedenaldira.
Bigarren zatian ere nagusi izan da Osasuna. Partidako 63. minutuan Melero Lopez epaileak gorritxoen aldeko penaltia adierazi du bideoarbitraje laguntzaileak (VAR) abisua eman ostean. Roberto Torresek penalti-jaurtiketa huts egin du. Minutu bat beranduago, ordea, Valentziak beste penalti bat egin du, Diakhabyk eskuarekin jo baitu baloia area barruan; Roberto Torresek berriz jaurti, eta oraingoan gola sartu du (3-1).
Javi Gracia Valentziako entrenatzaileak aldaketak egin ditu azken txanpan, aldeak murriztu eta berdinketaren bila jotzeko, eta abagune batzuk izan dituen arren, ez du golik sartu. Amaieran, Osasunarentzat garaipena.
Fitxa teknikoa:
3 – Osasuna: Sergio Herrera; Nacho Vidal, Aridane, David Garcia, Manu Sanchez; Torro; Roberto Torres (Budimir, 78. min), Oier (Moncayola, 62. min), Javi Martinez (Darko, 74. min), Adrian (Ruben Garcia, 62. min); Calleri (Chimy Avila, 78. min).
1 – Valentzia: Jaume; Molina (Jason, 80. min), Diakhaby, Gabriel, Gaya; Musah (Kang-In, 52. min), Wass, Racic (Oliva, 52. min), Cheryshev (Cutrone, 69. min); Guedes, Gameiro (Manu Vallejo, 80. min).
Golak: 1-0 Javi Martínez (13. min), 1-1 Gameiro (30. min), 2-1 Calleri (32. min), 3-1 Torres, penaltiz (68. min).
Epailea: Mario Melero Lopez. Txartel horiak atera dizkie Oier Osasunako jokalariari, baita Guedes eta Diakhaby Valentziako futbolariei.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.