Osasunak balio handiko garaipena lortu du Vila-realen aurka (1-2)
Osasunak 1-2 irabazi du La Ceramica futbol-zelaian eta Vila-realen bolada onari amaiera eman dio. Hiru puntuak eramatea sekulako urratsa da Jagoba Arrasateren taldearentzat eta geroz eta gertuago ikusten du Lehenengo Mailan geratzearen helburua.
Hasieran, Unai Emeryk atsedenaldia eman die Gerard, Pau Torres, Pedraza edo Manu Trigueros bezalako jokalari garrantzitsuei, Europa Ligako final-laurdenetako itzuliko partidan pentsatuz. Geroago, ordea, horietako batzuk atera behar izan ditu eta hala ere, errotazioak ez dira aski izan Osasunari aurre egiteko. Gorritxoak gaizki pasatzen ari zirenean, kapazak izan dira Vila-real bi aldiz jipoitzeko.
Bigarren zatiaren erdian, Vila-realen unerik onenean, Moncayolak Osasuna aurreratu du boleaz sartutako gol ikusgarri bati esker. Bost minutu ondoren, berdinketa iritsi da, David Garciak baloia bere atean sartu duenean. Baina berehala altxatu da Osasuna eta Budimirrek bigarren gola sartu du buruz, korner baten ostean.
Handik aurrera, Vila-realek etengabe bilatu du berdinketa, baina Sergio Herrera atezaina primeran aritu da eta luzapenean egin dituen bi geldiketa bikainei esker, talde nafarrak balio handiko hiru puntu eraman ditu Castellotik.
Fitxa teknikoa:
1. Vila-real: Asenjo; Mario, Albiol (Trigueros, 78. min), Funes Mori, Jaume Costa (Pedraza, 45. min); Foyth, Parejo, Ruben Peña (Gerard, 45. min); Yeremy (Chukwueze, 58. min), Alcacer (Fer Niño, 78. min) eta Moi Gomez.
2. Osasuna: Sergio Herrera; Nacho Vidal, Aridane, David Garcia, Juan Cruz (Manu Sanchez, 61. min); Kike Barja, (Torres, 76. min) Moncayola, Darko, Javi Martinez (Torro, 58. min), Ruben Garcia (Oier, 76. min) eta Budimir (Calleri, 76. min).
Golak: 0-1, 64. min, Moncayola; 1-1, 69. min, David Garcia (bere atean); 1-2, 74. min, Budimir.
Epailea: Munuera Montero (Andaluziako Komitea). Txartelik ez.
Zure interesekoa izan daiteke
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.