Osasunak galdu egin du etxean Atleticoren aurka (1-3)
Osasunak galdu egin du Atleticoren aurka (1-3), Sadarren, larunbat honetan jokatu den LaLigako 8. jardunadiari zegokion neurketan.
Ia aukerarik izan ez duen intentsitatez beteriko lehen zatian, Vitoloren ekintza batek markagailua desorekatzeko bidea eman die madrildarrei. Roncagliak bulltzakada eman dio Atleticoko jokalariari, eta epaileak ez du zalantzarik izan penaltia adierazteko. Joao Felix arduratu da baloia sare barrura bidaltzeko (42. minutua).
Geroago, bigarren zatiaren hasieran, portugaldarrak beste penalti bat izan du bere alde, baina oraingo horretan huts egin du(zutoinera). Aitzitik, 70. minutuan 0-2koa erdietsi du, eskuinkada on batekin.
0-2eko hori lortu aurretik, Atleticok hainabt abagadune eduki ditu markagailuko aldea handitzeko: Correak baloi bat jaurti du zutoinaren aurka, eta buruz buruko bat alperrik galdu du Sergio Herreraren aurrean, baita Vitolok ere.
Hala ere, Jagoba Arrasatek zuzentzen duen taldea ez da amore ematen duen horietakoa, eta Ante Budimirrek aldea murriztu du buruz, gorritxoekin debutatu duen partidan (1-2).
Neurketa azken hamar minutuetan sartu da markagailua estu zegoela, baina Lucas Torreirak behin betiko utzi du erabaita 89.ean erdiesti duen golarekin.
Fitxa teknikoa:
1 – Osasuna: Sergio Herrera; Roncaglia (Nacho Vidal, 84. min), Unai García, David García, Íñigo Pérez; Rubén García, Oier (Torró, 59. min), Moncayola, Jony (Roberto Torres, 68. min); Adrián (Budimir, 68. min), Gallego (Kike Barja, 68. min).
3 – Atletico: Oblak; Trippier, Savic, Giménez, Hermoso; Correa (Lemas, 86. min), Koke, Herrera, Vitolo (Felipe, 91. min); Joao Félix (Torreira, 85. min), Llorente.
Golak: 0-1, 43. min: Joao Félix, penaltiz. 0-2, 70. min: Joao Félix. 1-2, 85. min: Budimir. 1-3, 88. min: Lucas Torreira.
Epailea: Xavier Estrada. Txartel horiak: Sergio Herrera (Osasuna); Koke eta Llorente (Atletico).
Zure interesekoa izan daiteke
Braulio Vazquezek Osasuna utzi du, eta Catak hartu du kirol zuzendaritza
Orain arteko kirol arduradun nagusiak, prouektu profesional berria hasiko du Valentzia taldean. Hori dela eta, talde valentziarrak bere etete-klausulari dagozkion 290.000 euroak ordainduko ditu.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Bigarren porrota jarraian Osasunarentzat (0-2)
Nafarrek bi gol jaso dituzte lehen 20 minutuetan eta, saiatu diren arren, ez dute Espanyolen atea zulatzeko modurik aurkitu.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.