Golik gabeko berdinketa Osasunaren eta Valladoliden artean
Osasunak golik gabe berdindu du Valladoliden aurka (0-0) Sadarren jokatu duen Santander Ligako 20. jardunaldiko partida. Bigarren itzulia puntu bat eskuratuta hasi du talde gorritxoak.
Lehen zatia parekatua, lehiatua, eta abagune gutxikoa izan da. Hala ere, neurketak erritmo bizia izan du, horrek, Osasunako eta Valladolideko jokalarien pase askori zehaztasuna falta izan zaiela eragin duelarik. Chimy Avilak eman du lehen abisua 12. minutuan; aurrelari gorritxoak ondo utzi ditu atzean bi aurkari, eta jaurtiketa Masip atezainak desbideratu du. Bost minutu beranduago etorri da Valladoliden erantzuna, baina Sergi Guardiolaren errematea gora joan da. Hurrengo jokaldian, David Garciak kanpora bota du buruz egin duen errematea. Norgehiagokako 42. minutuan Oierrek zelaia utzi behar izan du min hartuta, eta Moncayolak ordezkatu du. Atsedenaldira iritsi orduko, Chimy Avilaren zartakoa gelditu egin du Masipek.
Bigarren zatia talde bakoitzarentzat abagune banarekin hasi da; Chimy Avilak kanpora bota du area kanpotik egin duen jaurtiketa 54. minutuan, eta, lau minutu beranduago, Sergi Guardiolak errematea langara bidali du. Ondoren, bi taldeei kosta egin zaie gol aukera argiak sortzea, nahiz eta erasora jotzen ahalegindu diren. Azken txanpan Osasuna egin da baloiaren jabe, eta arrisku sentsazioa eraman du aurkariaren ate ingurura, baina azken pasean asmatu gabe. Partidako 88. minutuan Chimy Avila gola sartzetik gertu egon da, baina Masip atezainak erantzun bikaina eman dio Osasunako aurrelariaren jaurtiketari, eta gola eragotzi du. Horixe izan da azken abagunea, eta puntu banaketarekin amaitu da norgehiagoka.
Fitxa teknikoa:
0 – Osasuna: Sergio Herrera; Nacho Vidal, Aridane, David Garcia, Iñigo Perez; Roberto Torres (Rober Ibañez, 72. min), Oier (Moncayola, 42. min), Darko, Ruben Garcia; Adrian (Juan Villar, 82. min), Chimy Avila.
0 – Valladolid: Masip; Antoñito, Joaquin F., Kiko Olivas, Salisu, Raul Garcia; Michel (Oscar Plano, 84. min), Fede S., Alcaraz; Unal, Guardiola (Sandro, 69. min).
Epailea: Alberola Rojas. Txartel horiak atera dizkie Aridane eta Ruben Garcia Osasunako futbolariei, baita Alcaraz eta Fede Valladolideko jokalariei.
Zure interesekoa izan daiteke
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.