Osasunak Albaceteri irabazi dio eta igoera gero eta gertuago dauka (2-0)
Osasunak 14. garaipena jarraian lortu du Sadarren eta dagoeneko bederatzi puntuko aldea du igoera zuzenean lortzeko lehian sartuta dauden aurkarietako batekin, Albaceterekin. Albacetek bederatzi jokalarirekin amaitu du partida, Dani Torresek eta Zozuliak bina txartel ikusi dituztelako.
Jagoba Arrasateren taldea neurketaren kontrol hartzen joan da, minutuek aurrera egin ahala, eta erasoan Albacete baino hobeto eta eraginkorrago aritu dira.
Juan Villarrek eta Rober Ibañezek aukerak izan dituzte Tomeuren atea zulatzeko, eta epaileak ere gol bat balio barik utzi du Albaceteko atezainari falta egin diotela erabaki duelako.
Bigarren zatian Albacetek hobera egin du, baina Osasunak ez du lekua galdu eta golaren bila aritu dira jo eta ke.
Epaileak Dani Torres kalera bota du 64. minutuan bigarren txartela aterata, Rober Ibañezi egindako falta baten ondorioz. 69ean, Unai Garciak gola egin du, txilenaz, Tomeuk Perearen burukada bat aldaratu ostean.
Partida are zailagoa jarri zaie kanpotarrei epaileak 76. minutuan Zozuliari bigarren txartel horia atera dionean Rober Ibañezen jaurtiketa bata area barruan eskuarekin urruntzearekin. Penaltia Roberto Torresek jaurti eta sartu du.
Albacete, bederatzi jokalarirekin, Osasunari eusten saiatu da, eta ezer gutxi gehiago egiteko aukera izan du. Garaipena etxean geratu da, eta iruindarrek gero eta gertuago dute Lehen Mailara zuzenean igotzea.
Fitxa teknikoa
2 - Osasuna: Rubén Martínez; Nacho Vidal, Unai García, David García, Clerc; Roberto Torres, Perea, Fran Mérida, Rober Ibáñez (Xisco, 82. min); Rubén García (Kike Barja, 79. min) eta Juan Villar (Brandon, 72. min).
0 - Albacete: Tomeu Nadal; Fran García, Gentiletti, Arroyo, Ángel Moreno; Febas, Dani Torres; Bela (Rey Manaj, 84. min), Eugeni (Barri, 64. min), Susaeta (Acuña, 75. min) eta Zozulia.
Golak: 1-0, 69. min: Unai García. 2-0, 77. min: Roberto Torres.
Zure interesekoa izan daiteke
Osasunak 2028ra arte lotu du Mauro Echegoyen, kontratua beste bi denboraldi luzatzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.