Osasuna, burua altxa ezinik
Bartzelonak garaipena lortu du azken hiru partidetan berdindu ostean, Osasunari Sadarren 0 eta 3 irabazita. Nafarrek lehen zatian eutsi diete kataluniarrei, baina bigarrenean Bartzelona askoz gehiago izan da. Messik ere neurketa bikaina jokatu du.
Luis Enriqueren taldeak Jordi Albaren sakontasuna aprobetxatu du Osasunaren defentsa hausteko. Gorritxoek ez dute neurketarik irabazi oraindik Joaquin Caparrosen gidaritzapean.
Lehen zatian, kataluniarrek jokoa menderatu dute, baloiaren jabetza eurena izan da, eta aukerarik argienak ere bartzelonarrek sortu dituzte. Baina Nauzet atezaina bikain aritu da eta, horri esker, Osasunak hutseko berdinketari eutsi dio lehen zatian.
Bigarren zatia hasi eta gutxira, nafarrek sekulako aukera izan du, baina Sergio Leonen erremate ikusgarriak langan jo du.
Luis Suarez eta Messi
Minutuek aurrera egin ahala, gorritxoak atzean sartu dira eta bigarren zatia hasi eta 15 minutura iritsi da Bartzelonaren lehen gola. Messi, Jordi Alba eta Luis Suarez izan dira jokaldiko protagonistak. Gola, uruguaiarrak egin du, jokoz kanpoko posizioan.
Bigarren golean Jordi Alba berriro protagonista izan da, berak egin du erdiraketa eta Messik baloia ate barruan sartu du.
Hirugarren eta azken gola luzapenean iritsi da. Messik egin du, jokaldi pertsonal batean.
Fitxa teknikoa
0 - Osasuna: Nauzet; Oier (Tano, 63. min), Miguel Flaño (David García, 46. min), Iván Márquez, Clerc; De las Cuevas, Causic, Roberto Torres, Alex Berenguer; Sergio León eta Oriol Riera (Kenan Kodro, 70. min).
3 - Bartzelona: Ter Stegen; Sergi Roberto, Piqué, Umtiti, Jordi Alba; Sergio Busquets, André Gomes (Rafinha, 76. min), Iniesta; Messi, Luis Suárez eta Arda Turan (Denis Suárez, 65. min).
Golak: 0-1, 59. min: Luis Suárez. 0-2, 72. min: Messi. 0-3, 92. min: Messi.
92. min: Messi.Zure interesekoa izan daiteke
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.