Archanco kartzelatik irten da
Miguel Archanco Osasunako presidente ohia Iruñeko kartzelatik irten da, 20:07an. Gaur arratsaldean Fermin Otamendi Iruñeko 2. zenbakiko instrukzio epaitegiko epaileak ezarri zion 500.000 euroko fidantza ordaindu du. Kanpoan senideak izan ditu zain.
Otamendi Osasunaren diru kutxatik iaz atera zituzten 2,4 milioi euroak zertarako erabili zituzten eta balizko futbol partiden salerosketa ikertzen ari da. Txuma Peralta zuzendaritzako kide ohiari baldintzarik gabeko espetxealdia ezarri zion larunbatean.
Cristina Valencia eta Alberto Noya, inputatuta
Kataluniako eraikuntza-enpresa bateko ordezkariak dira Cristina Valencia eta Alberto Noya eta epaileak biak inputatzea erabaki du deklarazioa hartu eta gero.
2013ko ekainaren 1ean 900.000 bat euro ordaindu zizkioten Cristina Valenciari. Operazio berdinean ustez Alberto Noyak parte hartu zuen, Osasunak duela egun batzuk aurkeztutako salaketa judizialaren arabera.
Terrassa futbol-taldearen zuzendaritza hartu behar zuen Valentziak hilabete honetan; izan ere, Peraltarekin batera taldea erostea aurreikusita zuen, baina operazioa bertan behera utzi du ikerketa judizialak.
Eraikuntza-enpresako bi ordezkariek epailearen aurrean deklaratu dute arratsaldean. Magistratuak aske utzi ditu, baina inputaturik, eta hilabetean behin epaitegietan agertu beharko dira.
Zure interesekoa izan daiteke
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.