Osasunak jaitsiera postuak uxatu nahi ditu, Sevillari irabazita
Osasunak Sevilla hartuko du Sadarren, igandean 12:00etan, jaitsieratik soilik hiru puntura dagoela. Gorritxoek puntuak behar dituzte, orain dela aste batzuetako aldea desagertuta. Sevillak, aldiz, Ligako azken lau partidak irabazi ditu, eta Betis kanporatu berri du Europa Ligako final-zortzirenetan.
Osasunak Levanteren, Malagaren eta Bartzelonaren aurka galdu du, golik sartu gabe eta hamaika jasoz. Sevilla Europako postuetara begira dago: Vila-real puntu batera du, bira Reala, eta zortzira Athletic.
Osasunak etxeko bost partida irabazi ditu, sei galdu, eta Real Madrilen eta Bartzelonaren aurka berdinketa lortu zuen. Sevillako taldeak bakarra galdu du etxetik kanpo jokatutako azken zortzietatik.
Marc Bertran taldera itzuliko da, azken hiru partidak galdu ostean. Hala ere, Javi Graciak ez ditu Sisi eta De las Cuevas prest izango, lesionatuta daudelako.
Sevillan, ez dute Sebastian Cristoforok eta Jose Antonio Reyesek jokatuko. Unai Emery, gainera, kexu agertu da neurketa hau prestatzeko izan duten denbora laburragatik. Sevillako taldeak ostegunean jokatu zuen, Europa Ligan, eta bi entrenamendu baino ezin izan dute egin, igandea baino lehen. Osasunak probetxua atera nahi dio Sevillaren nekeari.
USTEZKO HAMAIKAKOAK
Osasuna: Andres Fernandez; Marc Bertran, Loties, Arribas y Damia; Silva eta Raoul Loe; Cejudo, Torres eta Armenteros; eta Oriol Riera.
Sevilla: Beto; Coke, Pareja, Fazio, Alberto Moreno; M'Bia, Iborra; Diogo Figueiras, Rakitic, Marko Marin; eta Gameiro.
Zure interesekoa izan daiteke
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).