Osasunak Levanteren harresiarekin egin du topo
Osasunak Levanteren aurkako partida galdu du, Ciutat de Valencia zelaian (2-0). Bi taldeak momentu onean iritsi dira partidara, baina gorritxoek ez dute Atleticoren kontra erakutsitako joko ona egin, eta oso aurkari serioa izan dute aurrean.
Osasuna gora begira irten zen, baina Joaquin Caparrosek entrenatutako taldea laster jarri zen aurretik. 6. minutuan, Diopek gola sartu zuen Andres Fernandezen atean. Hiru partida zeraman Osasunak golik jaso gabe.
Geroago, Oriol Rierak norgehiagoka berdintzeko aukera izan zuen, baina area barrutik kale egin zuen. Levante, zelaian ondo kokatuta, partida eta Osasuna kontrolpean izan zituen lehenengo zatian. Atsedenaldia baino lehen, Ruben Garciak erabakita utzi zuen neurketa, Osasunak gaizki defendatutako jokaldi batean.
Bigarren zatian, ondo gorde zuen emaitza Levantek. Casadesusek Cejudori egindako sarrera gogor batek jokalari bat gutxiagorekin utzi zuen Levante, baina Osasunak ezin izan du nagusitasuna aprobetxatu, eta azken zatian abaguneal sortu arren, Keylor Navas eta Levanteren harresiarekin topatu da.
FITXA TEKNIKOA
Levante: Keylor Navas, Vyntra, Navarro, Juanfran, Nikos; Diop, Dimao, Rubén (Sissoko, m.82), Ivanschitz (Pedro Lopez, m.74); Barral (Baba, m.92) y Casadesus.
Osasuna: Andrés; Damià (Acuña, m.65), Arribas, Loties, Oier; Lolo (Lobato, m.48), Silva, R.Torres (Nino, m.80), Cejudo; Armenteros y Oriol Riera.
Golak: 1-0, m.4: Diop. 2-0, m.42: Ruben.
Zure interesekoa izan daiteke
Luis Miguel Ramis, Osasunaren entrenatzaile berria
Entrenatzaileak 2027-2028 denboraldiaren amaierara arte zuzenduko du Nafarroako taldea. Ramis, 55 urtekoa bera, Hypermotion Ligako Burgos CF taldetik iritsi da Osasunara; azken denboraldian, Burgos igoerarako play-offerako sailkatzetik oso gertu gelditu da.
Osasunak jaitsierari aurre egiteko Howden enpresarekin kontratatutako aseguruak polemika piztu du
Talde gorritxoak azpimarratu duenez, horrelako mekanismoak ohikoak dira kirol profesionalean eta, bereziki, futbolean. Talde nafarrak azaldu duenez, 1,2 milioiko estaldura kontratatu zuten, kategoria galduz gero 6 milioiko ordaina bermatzeko.
Josu Dominguezek Osasunaren emakumezkoen taldearen entrenatzaile izateari utziko dio
Talde gorritxoak eta entrenatzaileak euren bideak banandu dituzte hiru denboraldiren ostean.
Raul Garcia de Harok 2031ra arte berritu du kontratua Osasunarekin
Talde gorritxoak eta aurrelariak aurretik hitzartutakoa baino hiru denboraldi gehiago luzatu dute euren arteko lotura, eta klausula berria 40 milioikoa izango da.
Mai Garde Osasunako kirol zuzendariak dimisioa eman du
Iruindarrak hiru denboraldi eman ditu karguan. Bestalde, Osasuna Fundazioak iragarri du datorren denboraldian pixkanaka murriztu egingo duela emakumezkoen sekziora bideratutako diru kopurua.
Sadar bi hilabetez ixtea eskatu dute, eta Osasunak “bidegabetzat eta neurrigabetzat" jo du
Indarkeriaren Aurkako Batzordeak Sadar bi hilabetez ixtea eskatu du, baita Osasunari 200.000 euroko isuna jartzea ere, maiatzaren 22an Getaferen aurkako partidaren aurretik, ateak irekita Iruñeko futbol-zelaian, egindako lan saioan "sarrera kontrolean irregulartasunak egon zirelako".
Kike Barja, Osasunarekin 2028ra arte berritu ondoren: “Hemengo futbolari batentzat, uste dut bereziena dela herriko taldean jokatzea”
Nafarroako taldearen kapitainak bi denboraldiz berritu du kontratua, 2028ra arte; astelehenean, komunikabideen aurrean, oso pozik eta eskertuta azaldu da, akordio hori lotuta.
Osasunak 2028ra arte berritu dio kontratua Kike Barjari
Gorritxoen kapitainak bi urtez luzatu du klubarekin zuen lotura, eta 15 milioi euroko etete-klausula izango du.
Osasunak 2028ra arte lotu du Mauro Echegoyen, kontratua beste bi denboraldi luzatzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.