Osasunak garaipen garrantzitsua lortu du Getaferen aurka
Osasunak garaipen garrantzitsua lortu du Getaferen aurka Sadarren (2-0). Talde gorritxoak arnasa hartzen du garaipen honen ostean. Mailari eusteko aurkari zuzena duen Getafe harrapat du sailkapenean. Bi taldeek 25na puntu dituzte.
Partida urduri hasi du Osasunak eta Getafek lehen minutuan izan du lehen gola sartzeko aukera. Andres Fernandezek, ordea, arriskua desbideratzea lortu du. Madrileko taldea izan da baloiaren jabe lehen minutuetan, baina Osasunak hartu du aurrea markagailuan. Bosgarren minutuan Oriol Rierak pase luzea jaso eta baselinaz gainditu du Moya atezaina (1-0).
Lehen golaren ostean, partida ireki egin du eta bi taldeek abaguneak izan dituzte. Getaferen abagune onena 33. minutuan iritsi da, eta gertu izan dute gola madrildarrek. Lafitaren erremateak, ordea, zutoina jo du. Osasunak ere izan du bigarren gola sartzeko aukera, baina Moya atezainak ondo desbideratu du De las Cuevasen jaurtiketa. Partida, Osasunaren aldeko 1-0ekoarekin iritsi da atsedenaldira.
Bigarren zatian jokoa asko eten da, eta ez da abagune askorik egon. Cejudok 51. minutuan boleaz egindako errematea kanpora joan da, eta 53. minutuan Damiak Getaferen gola eragotzi du. Adrian Colungak Andres Fernandez atezaina gainditu du, baina defentsa gorritxoak baloia aldentzea lortu du atepeko marrara iritsi aurretik. Osasuna izan du bigarren gola sartzeko beste aukeraren bat, baina Moya atezainak eragotzi du gorritxoek gola sartzea.
Norgehiagokako azken minutuetan Getafek berdinketaren bila jo du, baina ez du abagune argirik sortu. Osasuna ondo ibili da defentsako lanean eta 87. minutuan partida erabakita utzi du. Getafeko jokalariak oso aurreratuta egon dira, gorritxoek kontraeraso azkarra egin dute, eta Roberto Torresek ez du barkatu Moyaren aurrean (2-0). Torresen gol honek erabakita utzi du partida eta hiru puntuak lortu ditu Osasunak.
Fitxa teknikoa:
2- CA Osasuna: Andres Fernandez, Marc Bertran, Loties, Arribas, Damia, Puñal (Lolo, 40. min), Silva; Cejudo (Oier Sanjurjo, 75. min), De las Cuevas (Torres, 45. min), Armenteros eta Oriol Riera.
0- Getafe: Moya; Roberto Lago, Arroyo, Lisandro, Rafa (Alexis, 43. min); Borja, Michel (Gavilan, 72. min), Lafita, Pedro León; Ciprian (Colunga, 40. min) eta Diego Castro.
Golak: 1-0, 5. min: Oriol Riera. 2-0, 87. min: Torres.
Epailea: Muñiz Fernandez.
Zure interesekoa izan daiteke
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.
Dubasin: “Osasunara etortzeko zalantzarik ez nuen"
Jonathan Dubasin pozik dago Osasunak eman dion aukerarekin. Esan du Ramisek lana eta ahalegina eskatu dizkiola, eta hori "negoziaezina" dela berarentzat. Katalanak dio balio anitzeko jokalaria dela erasoan, hainbat posiziotan jokatzeko gai dena, baina argi du zein den egokiena berarentzat. Bestalde, Braulio Vazquez kirol zuzendariak eskerrak eman dizkio Dubasini Osasunan jokatzeko erakutsi dituen gogoengatik. Taldeak denboraldi honetarako dituen helburuak ere zehaztu ditu, baita taldea ixteko indartzen saiatuko den posizioak ere. (Bideoa, gazteleraz).