Osasunak porrot mingarria jaso du Vila-realen aurka
Osasunak 3-1 galdu du Vila-realean aurka Madrigalen eta porrot honek jaitsiera postuetatik gertu uzti du talde gorritxoa. Javi Graciak zuzentzen duen taldea jaitsiera postuetatik bi puntura dago orain. Vila-real, aldiz, bosgarren postuan dago, eta hiru puntura du Athleticek betetzen duen Txapeldunen Ligako laugarren postua.
Lehen zatia kaskarra izan da. Bi taldeetako bat ere ez da abagune argirik sortzeko gai izan eta norgehiagoka golik gabe iritsi da atsedenaldira (0-0). Bigarren zatiko lehen minutuan, ordea, Osasunak huts egin du defentsan eta Perbetek 1-0ekoa sartu du.
Gola hartu ondoren Osasuna ezinean ibili da, eta Vila-real izan da baloiaren jabe. Horrela, 54. minutuan Triguerosek 2-0koa sartu du Vila-realentzat area kanpotik egindako jaurtiketa batekin.
Bigarren gola jasota Osasunari maldan gora jarri zaio partida eta Graciak zuzentzen duen taldeak ez du abagunerik sortu norgehiagokako azken txanpara arte. Vila-real baloiaren jabe izan da bigarren zatian eta 74. minutuan Perbetek 3-0ekoa sartu du.
Vila-realen hirugarren golarekin partida erabakita geratu da, baina Oriol Rierak 3-1koa sartu du 87. minutuan eta etxeko taldearen aldeko emaitza horrekin bukatu da partida.
Fitxa teknikoa:
3 - Vila-real: Asenjo; Mario, Gabriel, Dorado, Jaume Costa; Aquino (J. Pereira, 72. min), Trigueros, Pina (Edu Ramos, 76. min), Moi Gomez; Giovani eta Uche (Perbet, 42. min).
1 - Osasuna: Andres Fernandez; Marc Bertran, Loties, Miguel Flaño, Damia; Puñal (R. Torres, 69. min), Raoul Loe; Lobato (Oriol Riera, 82. min), De las Cuevas (Cejudo, 58. min), Armenteros; eta Acuña.
Golak: 1-0. 46. min: Perbet. 2-0. 53. min: Manu Trigueros. 3-0. 74. min: Perbet. 3-1. 86. min: Oriol Riera.
Epailea: Alvarez Izquierdo.
Zure interesekoa izan daiteke
Osasunak 2028ra arte lotu du Mauro Echegoyen, kontratua beste bi denboraldi luzatzeko aukerarekin
Jokalariaren etete-klausula sei milioira igo dute, eta 15 milioira iritsiko da lehen taldeko kide denean. Dagoeneko Murchanteko erdilariak urrian egin zuen debuta lehen taldearekin, Sant Jordiren aurka Kopako lehen kanporaketan.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.