Osasunak garaipen garrantzitsua lortu du, eta jaitsieratik aldendu da
Osasunak garaipen garrantzitsua lortu du Zaragozaren aurka (1-0), eta jaitsiera postuetatik aldendu da. Talde gorritxoak, bost puntura du jaitsiera jada.
Partidak erritmo bizia izan zuen lehen minututik, eta abaguneak ere hasi bezain laster ikusi ahal izan ziren. Zaragozak izan zuen lehen abagunea, baina Rochinaren jaurtiketa gutxigatik kanpora joan zen. Osasunaren erantzuna laugarren minutuan etorri zen, eta nolako erantzuna gainera. Damiak bikain erdiratu zuen, eta Kike Solak sare barrura bidali zuen errematea 1-0ekoa sartuta.
Norgehiagokako lehen gola sartuta, bi taldeei asko kosta zitzaien abaguneak sortzea. Talde gorritxoak bigarren gola sartzeko aukera izan zuen hamabigarren minutuan, baina Cejudoren jaurtiketa gutxigatik kanpora joan zen. Zaragozak ez zuen abagune argiak sortzeko bidea aurkitzen. 25. minutuan, ordea, Montañesen jaurtiketak arriskua sortu zuen Andres Fernandezek defendatzen duen ate inguruan. Zortzi minutu geroago, Zaragozak lehen zatian izandako abagune onena eduki zuen, baina Andres Fernandezek gola eragotzi zuen Rochinaren jaurtiketari erantzun bikaina emanda. Lehen zatia Osasunaren aldeko 1-0eko emaitzarekin bukatu zen.
Bigarren zatian, bi taldeek ez zuten erritmoa jaitsi, eta abaguneak izan zituzten lehen minutuetan. Osasunak 2-0koa sartzeko abagunea izan zuen 53. minutuan, baina Kike Solak ez zuen ondo errematatu Armenterosek egindako erdiraketa. Jarraian, Zaragozak ere partida berdintzeko aukera izan zuen, baina Rochinaren jaurtiketa gutxigatik kanpora joan zen. Zaragozak arriskua sortu, eta bi minutu geroago Oierrek ezin izan zuen Kike Solaren pase dotorea gutxigatik errematatu.
Minutuak pasa ahala Zaragoza berdinketaren bila joan nahian ibili zen, baina ez zen abagune argiak sortzeko gai izan. Manolo Jimenezek zuzentzen duen taldea erasokor ari zen, eta Osasunak kontraerasoan min egiteko aukera izan zuen. 'Gato' Silvak partida erabakita uzteko aukera izan zuen, baina Roberto atezainak gola eragotzi zuen. Ninok ere izan zuen gorritxoen bigarren gola sartzeko aukera, baina ez zuen asmatu. Luzapenean, Apoñoren falta jaurtiketa gutxigatik kanpora joan zen, eta, horrenbestez amitu zen partida Osasunaren aldeko 1-0eko emaitzarekin.
Zure interesekoa izan daiteke
Ramis, Celtaren aurkako partidari buruz: “Etxetik kanpo garaipena lortzeko gogoz goaz”
Luis Miguel Ramis Osasunaren entrenatzaileak gorritxoek ostegun honetan Celtaren aurka jokatuko duten partidaren analisia egin du prentsaurrekoan.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Luis Miguel Ramis: “Osasuna irabazle bat nahi dut”
Osasunaren entrenatzaile berria lahiaketa hasteko irrikitan dago. Iragan igandean Osasunak Celtarekin jokatu ez zuenez, denboraldiaurreko aste bat gehiago izan dute, eta ondo etorri zaiela esan du. Sadarreko giroa bertatik bertara bizi nahi duela ere esan du, eta, aldi berean, zein Osasuna ikustea nahi duen azaldu du. Azkenik, Luis Miguel Ramisek mezu bat bidali die Osasunako zaleei. (Bideoa, gazteleraz).
Iker Benitok Queretaron jokatuko du
Mirandako jokalariak etapa berri bati ekingo dio Mexikon 2027ko abuztuaren 31ra arte.
Luis Sabalza, Celta-Osasuna partidari buruz: “Zer nahi duzu egitea? Ez jokatzea? "
Celta-Osasuna partida atzera buruz hitz egin du Osasunako presidenteak, taldeak Javierrera LaLiga hasi aurreko lore-eskaintza egiteko egin duen bisitaren ondorengo uneetan.
Celta-Osasuna partida abuztuaren 27ra atzeratu da, baina talde gorritxoak “erabateko desadostasuna" erakutsi du
Balaidoseko futbol-zelaia ez dago futboleko neurketa bat hartzeko moduan, onddo batek erasan baitio. Bere aldetik, talde nafarra erabat kaltetua sentitzen da LaLigak eta Federazioak hartutako erabakiaren aurrean.
Rockson Yeboah erdiko atzelariaren fitxaketa iragarri du Osasunak
22 urteko defendatzaile ghanarra Suediako I.F.K. Göteborg taldetik iritsi da 3 milioi euroren truke, bost denboraldirako sinatu du eta 30 milioiko klausula izango du.
Osasunak Diego Rico fitxatu du, 2026-2027 denboraldirako
Ezker hegaleko atzelaria, azken hiru denboraldiak emanda, libre zegoen; 2021etik 2023ra bitartean, Realean aritu zen.