Osasunak eta Mallocak berdinketa tristea lortu dute
Osasunak atzamarrekin ukitu du garaipena, baina luzapenean ihes egin zaio. Loloren erremate onak markagailuaren aurretik jarri ditu gorritxoak, baina azken minutuan Mallorcak berdindu du. Puntu bakarra atera du Nafarroako taldeak Iberostar zelaitik.
Mallorcaren nagusitasun txikiarekin hasi da partida. Handikeriarik gabe, Osasuna baino gehiago agertu da erasoan hasierako minutuetan. Lehenengo ordu laurdenean, bost ziren Balear Uharteetakoek jaurtitako kornerrak. Osasunaren lehenengo aukera, hala ere, Aouatek baloia urruntzean egin duen akats baten ondorioz etorri da, baina Oierrek ez du jokaldia aprobetxatu.
Mallorca Osasuna baino gehiago hurbildu da atera, batez ere ezker hegaletik. Pereira Bertran baino azkarrago ibili da. Osasunak, ordea, gola sartu du lehenengo zatian, baina epaileak beliogabetu du, Ruben eta Aouateren arteko jokaldi nahasi baten ostean. Lolok, gainera, txartel horia ikusi du, epaileari kexu agertzeagatik.
Gregorio Manzanok gidatutako Mallorca Joaquin Caparrosena baino joko alailagoa egiten saiatu da, baina etxeko taldea ez da arrisku handiarekin heldu. 24. minutuan, Victor ez da Lunaren erdiraketa batera iritsi, Mallorcaren aukera garbienean. Hala ere, Manzanoren mutilek ez dituzte atzeko akatsak konpondu eta, 35. minutuan, aukera izan du Osasuna, baina Oierrek kanpora bota du urrunetik.
Lehenengo zatian ez da taldeen nagusitasun argirik izan. Atezainek lasai ikusi dute partida, eta taldeek ez diete beldurrik eman, sailkapeneko egoerak baldintzatutako jokoa egin dutelako.
Bigarren zatia hastean, bi taldeek gidoia errepikatu dute: Osasunak ez du Aouateren atean arriskurik sortu, eta Mallorcak ere ez die gorritxoei beldur handiegirik eragin. Taldeek ez dute zelai erdia igarotzeko ahalegin handirik egin, eta burua partida ez galtzean izan dute.
61. minutuan, Pereirak izan du aukera garbiena. Arearen aurrealdetik jaurti du baloia, baina Rubenen gorputza jo du eta kanpora joan da. Hamar minutu geroago, etxeko taldeak berriro izan du aukera. Giovaniren jokaldi onak ez du Hemedek behar bezala bukatu, ezin izan duelako Lunaren erdiraketa ondo errematatu. Bitartean, Osasunak ez du jokorik sortu.
Osasunak 76 minututan jaurtitako bigarren kornerra, ordea, gola izan da. Cejudoren kornerra sartu du Lolok. Norgehiagokaren bigarren kornerra zen gorritxoentzat. Lehenengoa, epaileak baiolgabetuta; bigarrena, berriz, markagailura igo da. Andres Fernandezek aurretik mantendu du taldea, 81. minutuan Pinak buruz egindako errematea geldituta.
Ezbeharra, ordea, Nafarroako taldera heldu da, eta Aouate atezainaren pasea Geromelen burura iritsi da zuzenean. Osasunako defentsak ez du gola galarazi eta galduta zuen puntua berreskuratu du Mallorcak. Gorritxoen zorionerako, hurrengo jokaldian, Giovaniren gola baliogabetu du epaileak, eta Osasunak jaitsieratik aldentzeko puntu bakarra gehitu du.
FITXA TEKNIKOA
Mallorca: Aouate; Hutton (Hemed, 46. min.), Nunes, Geromel, Antonio Luna; Nsue, Javi Marquez (Tissone, 80. min.), Pina, Pereira; Dos Santos y Víctor Casadesus (Alfaro, min. 72. min.).
Osasuna: Fernández; Beltran, Ruben Gonzalez, Flaño, Damia; Silva, De Las Cuevas (Cejudo, 67. min.), Lolo (Arribas, 87. min.), Armenteros (Loe, 83. min.); Oier, Nino.
Golak: 0-1, 71. min.: Lolo; 1-1, 92. min.: Geromel.
Zure interesekoa izan daiteke
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.
ZUZENEAN: Luis Miguel Ramis Osasunaren entrenatzaile berriaren aurkezpena (18:00etan)
Luis Miguel Ramis, Osasunaren entrenatzaile berria
Entrenatzaileak 2027-2028 denboraldiaren amaierara arte zuzenduko du Nafarroako taldea. Ramis, 55 urtekoa bera, Hypermotion Ligako Burgos CF taldetik iritsi da Osasunara; azken denboraldian, Burgos igoerarako play-offerako sailkatzetik oso gertu gelditu da.
Osasunak jaitsierari aurre egiteko Howden enpresarekin kontratatutako aseguruak polemika piztu du
Talde gorritxoak azpimarratu duenez, horrelako mekanismoak ohikoak dira kirol profesionalean eta, bereziki, futbolean. Talde nafarrak azaldu duenez, 1,2 milioiko estaldura kontratatu zuten, kategoria galduz gero 6 milioiko ordaina bermatzeko.
Josu Dominguezek Osasunaren emakumezkoen taldearen entrenatzaile izateari utziko dio
Talde gorritxoak eta entrenatzaileak euren bideak banandu dituzte hiru denboraldiren ostean.
Raul Garcia de Harok 2031ra arte berritu du kontratua Osasunarekin
Talde gorritxoak eta aurrelariak aurretik hitzartutakoa baino hiru denboraldi gehiago luzatu dute euren arteko lotura, eta klausula berria 40 milioikoa izango da.
Mai Garde Osasunako kirol zuzendariak dimisioa eman du
Iruindarrak hiru denboraldi eman ditu karguan. Bestalde, Osasuna Fundazioak iragarri du datorren denboraldian pixkanaka murriztu egingo duela emakumezkoen sekziora bideratutako diru kopurua.
Sadar bi hilabetez ixtea eskatu dute, eta Osasunak “bidegabetzat eta neurrigabetzat" jo du
Indarkeriaren Aurkako Batzordeak Sadar bi hilabetez ixtea eskatu du, baita Osasunari 200.000 euroko isuna jartzea ere, maiatzaren 22an Getaferen aurkako partidaren aurretik, ateak irekita Iruñeko futbol-zelaian, egindako lan saioan "sarrera kontrolean irregulartasunak egon zirelako".
Kike Barja, Osasunarekin 2028ra arte berritu ondoren: “Hemengo futbolari batentzat, uste dut bereziena dela herriko taldean jokatzea”
Nafarroako taldearen kapitainak bi denboraldiz berritu du kontratua, 2028ra arte; astelehenean, komunikabideen aurrean, oso pozik eta eskertuta azaldu da, akordio hori lotuta.