Osasunak denboraldiko aurreneko garaipena lortu du
Nafarroako taldeak denboraldiko aurreneko garaipena lortu dute, Levante 4-0 jipoituta. Partidako golak Armenterosek, Lamahek, Timorrek eta Ninok eskuratu dituzte, eta Osasuna lau punturekin jarri da BBVA Ligako sailkapenean.
Osasunak eta Levantek akats gehiegirekin hasi dute neurketa, eta aurreneko minutuetan ezin izan dute aukera argirik sortu. Nafarroako taldeak 18. minutuan izan du lehenengo abagunea, baina Diopek ederki desbideratu du baloia langa azpitik. Jarraian, Levanteren kontraerasoan, Juanfranek urruneko saiakera egin du, eta baloia gutxigatik joan da kanpora.
Jose Luis Mendilibarren taldeak erasoan gehiago sakatu du, baina gorriek ezin izan dituzte erremateak asmatu. 22. minutuan Timorrek area kanpotik gogor jaurti du, eta Mutua atezainak baloia desbideratzeko gelditu ikusgarri egin behar izan du. Hala ere, lehenengo zatian intentsitate gutxirekin jokatu dute bi taldeek, eta atsedenaldian emaitza 0-0ekoa izan da.
Bigarren zatian Osasuna presio gogorra egitera zelairatu da, eta 54. minutuan Armenterosek 1-0ekoa jarri du Nafarroako Erresumako markagailuan. Gorritxoek norgehiagokaren kontrola hartu dute, eta Levantek defentsan asko sufritu du. Hala ere, Andres Fernandez atezainak gelditu garrantzitsua egin behar izan du Martinesen errematea desbideratzeko.
81. minutuan Roland Lamahek 2-0ekoa lortu du. Joseba Llorenteren saiakera Munuak dsbideratzea lortu du, baina aldaratzea ederki aprobetxatu du Lamahek, markagailuan 2-0ekoa jartzeko. Epaileak Osasunaren aldeko penaltia adierazi du, 87. minutuan, eta Timorrek baloia sareetara bidali du. Neurketako azkenengo minutuan Ninok 4-0ekoa jarri du.
- Fitxa teknikoa:
4 - Osasuna: Andres Fernandez; Oier, Lolo, Arribas, Nano; Annan (Raoul Loe, 80. minutua), Timor; Cejudo (Lamah, 77. minutua), Armenteros, Nino; eta Llorente (Kike Sola, 87. minutua).
0 - Levante: Munua; Chris Lell, Ballesteros, Navarro, Juanfran; Diop (Gekas, 59. minutua), Iborra; El Zhar (Pedro Rios, 66. minutua), Michel (Ruben, 73. minutua), Barkero; eta Martins.
Golak: 1-0, 54. minutuan: Armenterosek. 2-0, 82. minutuan: Lamahek. 3-0, 88. minutuan: Timorrek, penaltiz. 4-0, 93. minutuan: Ninok.
Zure interesekoa izan daiteke
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.