Bautistak igoera postuetarantz gidatu du Eibar Albaceten (0-3)
Aurrelari armaginaren 'hat-trick' batek garaipena eman dio talde gipuzkoarrari, play-off postuetan kokatuz.
Jon Bautista aurrelariak sartutako hiru golek garaipen handia eman diote Eibarri ostiral honetan Albaceteren aurka (0-3), Carlos Belmonte futbol-zelaian jokatu den Hypermotion Ligako 37. jardunaldiko partidan. Talde armaginak 10 jardunaldi jarraian daramatza galdu gabe, eta, une behin behingoz, sailkapeneko bosgarren postuan jarri da, igoera lortzeko lehian.
Norgehiagoka biziro hasi da, etxekoen eta bisitarien baloi jabetza luzeekin, baina trantsizioetan gehiegi arriskatu gabe. Eibar izan da kolpea eman duen lehena, bederatzi minuturen buruan. Bautistak areaz kanpotik zartako bikaina lotu du lehen gola sartzeko (0-1).
Bi minutu beranduago, Madak ezkerretik egindako erdiraketa bati esker, Bautistak, berriro ere, buruz, aldea handitu du markagailuan (0-2).
Bigarren zatian, Jefte aldea murrizteko zorian egon da, langan jo duen erremate batekin.
Aukera argia izan da baita ere Aranbarriren jokaldia, non baloia area erdian erori zaion, baina langa gainetik jaurtita alferrik galdu du aukera.
Euskaldunen epaia 70. minutuan iritsi da, Alvaro Rodriguezek etxekoen defentsaren bizkarrera egindako pase sakon baten ondoren. Bautistak baliatu du, Lizoainen irteeraren aurrean, baloia pikatu eta bere 'hat-trick'a lortzeko (0-3).
Zure interesekoa izan daiteke
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.