Carmen Alvarezek kontratua berritu du Eibarrekin 2026ra arte
Carmen Alvarez Eibarko jokalariak beste denboraldi baterako berritu du taldearekin duen kontratua. Salamancarra neguko merkatuan heldu zen Gipuzkoako taldera, bigarren aldiz; izan ere, 21-22 sasoian ere armaginekin aritu zen jokatzen.
Bi denboraldi eta erdiz Betisen egon ostean iritsi zen Eibarrera Alvarez, aurrealdea indartzeko xedez. Eibarren bigarren itzuli ona egin duenez, 2026ko ekainera arte luzatu du akordioa. Eibarrera etorri ostean taldeak izan dituen bederatzi partidetan hartu du parte: bost partidatan, titular gisa, eta bi gol sartu ditu.
Carmen Alvarez Atletico Madril B taldean hasi zen futbolean, 17 urte zituela, 20-21 denboraldian. Urte hartan, lehen taldearen dinamikan sartu zuten, egindako lan onaren ondorioz. Talde koltxoneroan egindako bigarren urtean, Eibarrera etorri zen, utzita. Hamar neurketetan hartu zuen, eta bost gol sartu zituen.
Eibarren utzita jokatu ondoren, Betisek fitxatu zuen, eta bi denboraldi eta erdi egin ditu han. Neguko merkatuan, Sevillako taldearekin zuen kontratua bertan behera utzi eta armaginekin etorri zen.
Zure interesekoa izan daiteke
Eibar atezainik gabe, Luis Lopezek atzamar bat hautsi eta Jonmi Magunagoitiak gainkarga baitu
Larunbat honetan Eibarrek bere lehen lagunartekoa jokatuko du Alavesen aurka eta zaila izango da bietako bat prest egotea. Ondorioz, armaginek harrobiko atezainen bat zelairatu beharko dute.
Eibarrek denboraldiaurreko lehen entrenamendua egin du, Areition
Talde armaginak ilusio handiz ekin dio denboraldiari. Iñaki Goikoetxeak, asteazken honetan, 22 jokalari izan ditu bere esanetara.
Simona Boterok Eibarren jokatuko du, 2027ra arte
Erdiko atzelari kolonbiarra talde armaginaren bederatzigarren fitxaketa da, eta Espanyoletik dator.
Eibarrek Samara Ortiz fitxatu du
Talde armaginak jakinarazi duenez, 2027ra arte fitxatu du futbolari madrildarra.
Nerea Sanchez, Eibarko jokalari berria
Talde armaginak 2028ra arteko kontratua sinatu du erdilariarekin.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.