Eibarrek ligako bere lehen garaipena bilatuko du Atletico Madrilen aurka
Eibarrek denboraldiko bere lehen garaipena eskuratzen saiatuko da Atletico Madrilen aurka, igandean, 19:00etan. Armaginek partida guztiak irabazi dituen taldearen aurka jokatuko du Wanda Metropolitanon; hala ere, zelai horretan, Gipuzkoako taldeak puntuak lortu ditu beti.
Aurreko denboraldian, Madrildarrek azken momentuan lortu zuten Eibarren kontrako berdinketa (1-1). Era berean, 2017/18ko denboraldian, Gipuzkoako taldeak Fernando Torresen agurra zapuztu zuen (2-2).
Jose Luis Mendilibarren taldeak ligako hasiera txarrari buelta emateko aukera izango du; izan ere, Eibarrek puntu bakarra lortu du lehenengo bi jardunaldietan.
Horrenbestez, armaginek Santander Ligako hirugarren partida jokatuko dute kanpoan, Mallorkaren aurkako partidaren eta Osasunaren aurkakoaren ostean, 2-1 eta 0-0 hurrenez hurren.
Bestalde, Mendilibarrek bi baja bakarrik izango ditu igandeko partidarako: Cote eta Esteban Burgos atzelariak. Pape Diop, aldiz, errekuperatu egin da eta jokatzeko prest izango du entrenatzaileak.
Ustezko hamaikakoak
Atletico de Madril: Oblak; Trippier, Savic, Gimenez, Lodi; Koke, Marcos Llorente, Saul, Lemar; Joao Felix eta Diego Costa.
Eibar: Dmitrovic; Tejero, Ramis, Oliveira, Arbilla; Orellana, Diop, Escalante, Pedro Leon; Enrich eta Charles.
Epailea: Santiago Jaime Latre.
Zelaia: Wanda Metropolitano.
Ordua: 19.00.
Zure interesekoa izan daiteke
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.
Eibarrek Lucas Nuñez fitxatu du
20 urteko erdilaria Valentziatik dator, utzita.
Eibar atezainik gabe, Luis Lopezek atzamar bat hautsi eta Jonmi Magunagoitiak gainkarga baitu
Larunbat honetan Eibarrek bere lehen lagunartekoa jokatuko du Alavesen aurka eta zaila izango da bietako bat prest egotea. Ondorioz, armaginek harrobiko atezainen bat zelairatu beharko dute.
Eibarrek denboraldiaurreko lehen entrenamendua egin du, Areition
Talde armaginak ilusio handiz ekin dio denboraldiari. Iñaki Goikoetxeak, asteazken honetan, 22 jokalari izan ditu bere esanetara.
Simona Boterok Eibarren jokatuko du, 2027ra arte
Erdiko atzelari kolonbiarra talde armaginaren bederatzigarren fitxaketa da, eta Espanyoletik dator.
Eibarrek Samara Ortiz fitxatu du
Talde armaginak jakinarazi duenez, 2027ra arte fitxatu du futbolari madrildarra.
Nerea Sanchez, Eibarko jokalari berria
Talde armaginak 2028ra arteko kontratua sinatu du erdilariarekin.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.