Osasunak eta Eibarrek golik gabe berdindu dute Sadarren
Osasunak eta Eibarrek golik gabe berdindu dute (0-0) Sadarren jokatu duten Ligako bigarren jardunaldiari dagokion partida. Berdinketa honekin, talde gorritxoak lau puntu ditu jada, eta armaginek denboraldiko lehen puntua erdietsi dute.
Lehen zatia parekatua izan da, eta abagune gutxikoa. Jokoa asko trabatu da bi taldeek egin dituzten falta ugariengatik. Osasuna saiatu da neurketari bizitasuna ematen, eta Eibar sendo mantendu da defentsako lanean.
Talde gorritxoa nagusi izan da lehen zatiaren azken txanpan, eta pare bat abagune izan ditu. Partidako 39. minutuan, Jon Moncayolaren jaurtiketa kornerrera desbideratu du Dmitrovic Eibarko atezainak. Hurrengo jokaldian, epaileak baliorik gabe utzi du Chimy Avilak sartu duen gola, aurrelari argentinarra jokoz kanpoko posizioan baitzegoen errematea egin duenean.
Bigarren zatian, partidak erritmo biziagoa izan du, baina abaguneak urriak izan dira. Osasunak abagune paregabea izan du 56. minutuan, baina Dmitrovic atezainak armaginen gola eragotzi du, Chimy Avilaren erremateari erantzun paregabea emanda. Eibarren erantzuna 62. minutuan iritsi da, gutxigatik kanpora joan den erremate baten bitartez. Azken txanpan, Eibarrek falta jaurtiketen bitartez izan du norgehiagoka irabazteko aukera, baina Arbillaren eta De Blasisen jaurtiketak oso desbideratuta joan dira.
Fitxa teknikoa:
0 – Osasuna: Ruben; Nacho Vidal, David Garcia, Estupiñán; Roberto Torres (Brandon, 87. min), Moncayola, Brasanac, Rober Ibáñez; Chimy Avila (Juan Villar, 80. min) eta Marc Cardona (Ruben Garcia, 66. min).
0 – Eibar: Dmitrovic; Tejero, Oliveira, Sergio Alvarez, Arbilla (Pedro Leon, 87. min); Orellana (Edu Exposito, 67. min), Pape Diop, Escalante, De Blasis; Sergi Enrich (Charles, 63. min) eta Kike Garcia.
Epailea: Medie Jimenez. Txartel horiak atera dizkie Nacho Vidal, Chimy Avila, Brasanac eta David Garcia Osasunako jokalariei, baita Sergio Alvarez, Oliveira, Charles eta Arbilla, Eibarko jokalariei.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
AEB final-hamaseirenetara pasa da Australia mendean hartuta (2-0)
Cameron Burgessek bere atean sartutako gol batek eta Alex Freemanek lehen zatian buruz egindako diana batek garaipena eman diote AEBri.
Alavesen utzita egon diren Calebe, Diabate eta Pachecok ez dute klubean jarraituko
Talde babazorroak "bere profesionalasuna eta konpromisoa" eskertu nahi izan die jokalariei.
Erik Bretos: “Asmoa da Remiro hemen egotea datorren denboraldian”
Realeko futbol zuzendariak lehen taldearen inguruko gaurkotasuna errepasatu du, baita udako merkatuari begira dituen asmoen berri eman ere. Remirok Realean jarraituko duela esan du "bi atezain handi izan nahi ditudalako", Rino Matarazzorekin kontratua luzatzeko hitz egiten ari direla baieztatu du, eta, besteak beste, Brais Mendez, Gorka Carrera eta Arsen Zakharyan jokalarien egoera aztertu du.
Yuri Berchichek Athleticekin berritu du, 2026-2027 denboraldirako
36 urteko ezker hegaleko atzelariak gutxienez beste denboraldi bat emango du talde zuri-gorrian. 2018an iritsi zen bertara, Paris Saint-Germain taldetik.
Oscar de Marcos Athleticen talde teknikoan izango da, Edin Terzicek berak eskatuta
Guardiako futbolaria izan zen 573 partida jokatu zituen 2009 eta 2025 bitartean talde zuri-gorriarekin. Bilboko klubak orain zabaldu duenez, lan bikoitza izango du Lezaman: “jokalariak garatzea eta aldagelarekin konektatzea”.
Mexiko sailkatu da, eta Kanadak historia egin du 2026ko Munduko Txapelketan
Mexiko da final-hamaseirenetara sailkatu den lehen selekzioa, Hego Korea 1-0 gaindituta; Kanadak, berriz, lehen garaipena eskuratu du Munduko Kopan, Qatar 6-0 irabazita, Ismael Koneren lesioak gaua ilundu duen arren.
Suitzak Bosniaren aurkako neurketa azken txanpan desorekatu du (4-1), eta Txekiar Errepublikak eta Hegoafrikak bana egin dute
Bosniak jokoaren kontrola galdu du bigarren zatian, eta Johan Mamzambi, Ruben Vargas eta Granit Xhakaren golek garaipena eman diote Suitzari. Txekiar Errepublikak aurrea hartu du, Michal Sadileken golari esker, baina Hegoafrikak banakoa egin du penaltiz. Teboho Mokoenak ez du barkatu hamaika metroetatik.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.