Eibarrek zigorra jaso du azken minutuetan (0-1)
Eibarrek kolpea hartu du Ipuruan, Atletico Madrilen aurka partida ona jokatu duen arren. Hala ere, madrildarrek lanak izan dituzte Dmitrovic atezaina gainditzeko. Serbiarrak lan bikaina egin du Atleticoren aukeren aurrean, baina ezer gutxi ahal izan du Lemarrek gola egin duen jokaldian.
Partidak erritmo handia izan du hasieratik, Marc Cardonaren aukerarekin. Baina bere jaurtiketa kanpora joan da, gutxigatik, partidako lehen minutu erdian, Eibar ideiak oso argi izan dituen adibide.
Horrela, lehen ordu erdia jokatuta, partidak jaberik gabe jarraitu du, eta gol aukera gutxirekin.
Bigarren zatian, lehen zatiko erritmo biziaren ondorioak pairatu dituzte, eta lehen zatian egon ez diren zuloak bigarrenean agertu dira.
Golen faltan, neurketak emozio handia izan du, oso irekita egon da eta bi taldeek izan dituzte aukerak. Hala ere, oreka handia egon da eta garaipena edozeinek eskuratu zezakeen.
Azkenean, zorteak Atleticoren alde egin du. Kontraeraso batean, Lemarrek baloia Dmitrovicen atean sartu du eta hiru puntuak madrilera Joan dira.
Fitxa teknikoa
0 - Eibar: Dmitrovic; De Blasis, Sergio, Oliveira, Cote; Orellana (Pedro León, 76. min), Escalante, Jordán, Cucurella; Cardona (Kike García, 62. min), Enrich (Charles, 81. min).
1 - Atletico Madril: Oblak; Arias (Kalinic, 68. min), Godín, Giménez, Saúl; Koke, Rodrigo, Thomas, Vitolo (Filipe Luis, 60. min); Correa (Lemar, 55. min), Morata.
Gola: 0-1, Lemar, 85. min.
Zure interesekoa izan daiteke
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.
Eibarrek Lucas Nuñez fitxatu du
20 urteko erdilaria Valentziatik dator, utzita.
Eibar atezainik gabe, Luis Lopezek atzamar bat hautsi eta Jonmi Magunagoitiak gainkarga baitu
Larunbat honetan Eibarrek bere lehen lagunartekoa jokatuko du Alavesen aurka eta zaila izango da bietako bat prest egotea. Ondorioz, armaginek harrobiko atezainen bat zelairatu beharko dute.
Eibarrek denboraldiaurreko lehen entrenamendua egin du, Areition
Talde armaginak ilusio handiz ekin dio denboraldiari. Iñaki Goikoetxeak, asteazken honetan, 22 jokalari izan ditu bere esanetara.
Simona Boterok Eibarren jokatuko du, 2027ra arte
Erdiko atzelari kolonbiarra talde armaginaren bederatzigarren fitxaketa da, eta Espanyoletik dator.
Eibarrek Samara Ortiz fitxatu du
Talde armaginak jakinarazi duenez, 2027ra arte fitxatu du futbolari madrildarra.
Nerea Sanchez, Eibarko jokalari berria
Talde armaginak 2028ra arteko kontratua sinatu du erdilariarekin.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.