Eibarrek miraria behar du (3-0)
Atletico Madrilek ia erabakita utzi du Eibarren aurkako kanporaketa, Errege Kopako final-laurdenetan. Madrildarrak 3 eta 0 gailendu dira Calderonen jokatutako joaneko neurketan, Antoine Griezmannek, Angel Correak eta Kevin Gameirok egindako golari esker.
Savicen gola jokoz kanpokoagatik baliorik gabe utzi eta gutxira iritsi da madrildarrenlehen gola. Griezmannek egin du baloia buruarekin errematatuz, Yoelek egindako huts galanta aprobetxatuta. Beste bi golak bigarren zatian iritsi dira.
Bigarrena Correa argentinarrak egin du 60. minutuan. Ondoren, Simeonek aldagelara bidali du eta bere ordez Kevin Gameiro hirugarren golaren egilea atera da.
Hirugarren gol hori zazpi minutu geroago iritsi da. Frantziarrak azken zortzi partidetan egiten duen lehen gola da.
Lehen zati txukuna egin ostean, armaginak ez dira batere fin ibili bigarrenean. 3 eta 0ekoak Ipuruan mirari bat egitera behartzen ditu eibartarrak, Kopako finalerdietan sartzeko.
Fitxa teknikoa
3 - Atletico de Madril: Moyá; Juanfran, Giménez, Savic, Filipe; Correa (Gameiro, 62. min), Saúl, Koke, Gaitán (Godín, 75. min); Carrasco (Gabi, 65. min) eta Griezmann.
0 - Eibar: Yoel; Capa, Gálvez, Lejeune, Rubén Peña; Rivera; Inui (Luna, 64. min), Fran Rico, Escalante (Sarriegi, 73. min), Bebé; eta Adrián (Sergi Enrich, 64. min).
Golak: 1-0, 27. min: Griezmann. 2-0, 60. min: Correa. 3-0, 67. min: Gameiro.
. min: Gameiro.Zure interesekoa izan daiteke
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Eibarrek Imanol Garcia de Albeniz fitxatu du, 2029ra arte
Ezker hegaleko atzelari bizkaitarra, 2022-2023 denboraldian, Eibarren aritu zen, Athleticek utzita. Talde armagineko futbolari berria Sparta Pragatik iritsi da; 2025-2026 denboraldia, baina, Andorran eman du, Hypermotion Ligan.
Ivan Gil, Eibarrera bueltan
Erdilari kataluniarrak UD Las Palmasek utzita jokatu zuen talde armaginean eta 2029ra arte sinatu du oraingoan.
Hodei Arrillagak Eibarrekin berritu du 2029ra arte
Eibarko harrobian hezitako ezker hegalekoak beheko kategorietatik lehen taldera arteko ibilbide osoa egin ostean luzatu du klubarekin duen lotura.
Eibarrek Luis Lopezen kontratua 2029ra arte berritu duela iragarri du
Murtziako atezaina 2025eko ekainean iritsi zen armaginen taldera Mirandesetik eta azken denboraldi honetan Errege Kopako hiru partidak jokatu ditu.
Eibarrek Jokin Aranbarri entrenatzaile berria aurkeztu du: “Ohore handia da; lana eta konpromisoa ez dira faltako”
Aranbarrik emozio handiz hitz egin du, Ipuruan, talde armagineko lehen taldeko aulkia bere gain hartzean: “Taldea asko gustatzen zait, egia esan”, nabarmendu du.
Jesus Crespo, “Pejiño", Eibarren lehen fitxaketa 2026-27 denboraldirako
Pejiñoren etorrerarekin Eibarrek erasoko profil moldakorra izango du, desoreka eta bertikaltasuna eragiteko gai izango dena.
Marco Morenok Eibar utziko du Brasilgo Bahia taldera joateko
Atzelari kanariarra iragan denboraldiko udako merkatuan iritsi zen talde armaginera. Moreno hasierako hamaikakoetan izan zen txapelketaren zati handi batean, lesio batek taldetik kanpo utzi zuen arte.
Noe Fernandez, armagin berria
Erdilari avilestarrak 2028ra arte sinatu du Eibarko taldearekin.