Eibar final-laurdenetan sartu da, historian lehen aldiz
Eibarrek aurreikusitakoa bete eta Osasuna Errege Kopatik kanpo utzi du, final-zortzirenetako itzuliko neurketan husna egin ostean (joanekoan 0 eta 3 gailendu ziren).
Gauzak horrela, armaginak historian lehen aldiz sartu dira Kopako final-laurdenetan.
Partida oso txarra jokatu dute biek, ez da gol aukera bat bera ere egon, eta tentsio gehiago izan da harmailetan, berdegunean baino, izan ere, klubeko arduradunek publizitatea estaltzen zuten bi pankarta kendu behar izan dituzte azken hilabeteetako tirabirari jarraipena emanez.
Lehen zatiko gauzarik esanguratsuena lesioak izan dira. Eibarreko Juncá eta Osasunako Nauzet atezainak min hartu dute eta zelaitik atera dira.
Atsedenaldiaren ostean, Eibarreko zaleak izan dira protagonista, zuzendaritzaren aurka egindako protestengatik.
Jokoari dagokionez, armaginek joaneko aldeari eusten saiatu dira, baita lortu ere. Osasuna, berriz, erasoan saiatu da, baina zorterik gabe.
Fitxa teknikoa:
0 - Eibar: Riesgo; Capa, Dos Santos, Gálvez, David Juncà (Pedro León, 10. min); Escalante (Adrián, m. 76), Fran Rico (Dani García, 59. min), Imanol Sarriegi; Rubén Peña, Nano, eta Bebé.
0 - Osasuna: Nauzet (Mario, 41. min); Aitor Buñuel, Tano, David García, Fuentes; Fausto Tienza (Oier Sanjurjo, 71. min); Javi Alamo, Olavide, Otegui, Jaime; eta Kenan Kodro (Rivière, 62. min).
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.