Eibarrek emaitza irauli du Vila-realen aurka (2-1)
Eibarrek emaitza irauli dio Vila-reali Ipuruan jokatutako partida eta azkenean, armaginak, 2 eta 1 gailendu dira 10. jardunaldiko neurketan. Lehen gola Bruno Sorianok egin du, penaltiz, eta Ivan Ramisek eta Pedro Leonek bi gol egin dituzte ondoren, hiru puntuak Eibarren geratzeko.
Talde horiak baloiaren kontrola izan du lehen zatian. Jokoa oso lehiatua izan da. Armaginek kontraerasora jokatu dute, Fran Escrivaren taldea ezustean harrapatu nahian.
Lehen zatiaren amaieran, Florian Lejeunek falta egin dio Nicola Sansone alemaniarrari area barruan, eta epaileak penaltia adierazi du. Bruno Soriano kapitainak jaurti eta partidako lehen gola egin du.
Hala ere, golak ez ditu etxekoak urduri jarri, eta atsedenaldira iritsi aurretik berdinketa lortzeko aukera izan dute. Lejeunek izan du aukerarik argiena.
Atsedenaldiaren ostean ausart egin dute erasora, baina Asenjo atezainak geldiketa bikainak egin ditu eta Mendilibarren taldearen gola saihestu du.
Armaginek ekinak saria izan du 80. minutuan: Pedro Leonek falta atera du, baloia solte geratu da area barruan eta Ramisek Vila-realen atean sartu du baloia indartsu errematatuz.
Bigarrena, Pedro Leonek
Handik zazpi minutura, Pedro Leonek emaitza irauli du, Sergi Enrichen erdiraketa aprobetxatuz.
Gauzak horrela, Escribaren taldeak lehen denboraldiko lehen porrota jaso du Ligan eta 19 punturekin jarraitzen du sailkapenean. Eibarrek, berriz, hiru jardunaldiko bolada txarra etetea lortu du eta 15 puntu dauzka orain.
Fitxa teknikoa:
2. Eibar: Riesgo; Capa (Arbilla, 72. min), Ramis, Lejeune, Antonio Luna; Pedro León, Dani García, Fran Rico, Inui (Rubén Peña, 89. min); Kike García (Adrián, 79. min), eta Sergi Enrich.
1. Villa-real CF: Sergio Asenjo; Mario, Musacchio, Víctor Ruiz, Jaume Costa; Samu Castillejo, Bruno Soriano, Trigueros (Cheryshev, 90. min), Roberto Soriano (Jonathan Dos Santos, 67. min); Bakambu eta Sansone (Santos Borre, 78. min).
Golak: 0-1. 40. min. Bruno (penaltiz); 1-1. 79. min. Ramis; 2-1. 86. min. Pedro León.
Zure interesekoa izan daiteke
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Eibarrek bere bolada ona luzatu du Granadari aise irabazita Ipuruan (3-0)
Armaginek hirugarren garaipena jarraian lortu dute Hypermotion Ligan lau jardunaldi jokatu eta gero, sailkapeneko goiko aldean kokatzeko. Ivan Gil, Adu Ares eta Jon Guruzeta izan dira golegileak.
Elijah Giftek Eibarren jokatuko du, Athleticek utzita
Futbolari nafarrak 30 partida jokatu zituen iragan sasoian RFEFko lehen mailan eta sei Youth Leaguen, Bilbao Athleticekin.
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.