Berdinketa baliotsua lortu du Eibarrek Sevillan
Eibarrek merezitako berdinketa lortu du Sanchez Pizjuanen, Txapeldunen Ligako postuetan dagoen Sevilla baten kontra. Beti saiatu dira Sevillakoak, baina ez dute asmatu atearen aurrean. Armaginak eroso dabiltza sailkapeneko erdialdeko postuetan.
Azkar zelairatu da Sevilla, aurkaria gailentzeko asmo garbiarekin, baina Eibarrek zenbaki hobeak ditu Ipurutik kanpo etxean baino, eta zergatia erakutsi du Sanchez Pizjuanen. Hasieratik, Eibarren kontraerasoak izan dituzte aurkari Sevillakoek, batez ere, Arruabarrena eta Piovaccariren saiakeretan.
Kosta zaie etxekoei hutsuneak aurkitzea, eta atera heldu direnean Xabi Iruretagoiena on bat aurkitu dute. Sevillaren abagune argiak gelditu ditu Eibarko atezainak. Gainera, Betoren abilezia frogatzeko tartea ere izan dute armaginek. Adibidez, Boatengen erremate gogor batean.
Bigarren zatia berdintsu hasi da, baina denbora igaro ahala, presioa handiagotu du Sevillak. Epaileak Stephane Mbiaren gol bat baliogabetu du, jokoz kanpo zegoelako. Azkenean, Eibarrek emaitza eutsi du, eta beste urrezko puntu bat eskuratu du.
FITXA TEKNIKOA
Sevilla: Beto; Aleix Vidal, Nico Pareja, Arribas, Diogo Figueiras; Krychowiak, Mbia; Reyes, Ever Banega (Bacca, 57. min), Vitolo (Deulofeu, 78. min); eta Gameiro (Denis Suarez, 70. min).
Eibar: Iruretagoiena; Boveda, Albentosa, Raúl Navas, Lillo; Dani Garcia, Abraham (Javi Lara, 78. min); Capa, Boateng (Errasti, 63. min), Arruabarrena (Lekic, 82. min); eta Piovaccari.
eta Piovaccari.Zure interesekoa izan daiteke
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.