Eibarri maldan gora jarri zaio Kopa (3-0)
Eibarrek porrot mingarria jaso du Getaferen aurka (3-0), Kopako final-hamaseirenetako joaneko norgehiagokan.
Joko eskasekoa izan da Coliseum Alfonso Perezen jokatutako lehen zatia. Baloiaren-jabetza etxekoena izan da, baina armaginek ez dute estualdi handirik jasan.
Fredyk izan du, atsedenaldira heltzeko bost minuturen faltan, markagailua estreinatzeko abagunerik argiena, baina, bakarrik Irazustaren aurrean, kanpora bidali du.
Bi taldeen jokoak hobera egin du bigarren zatian, eta Getafek zein Eibarrek gola egiteko arriskuko jokaldiak sortu dituzte. Cosmin Contraren taldeak 63. ean hartu du aurrea markagailuan, Sarabiak egindako golari esker. Pasea Pedro Leonena izan da.
Getafek partida erabakita utzi du, bost minututan, beste bi gol sartuta. 2-0ekoa Alvaro Vazquezena izan da (70.ean) eta hirugarrena Sarabiak sartu du. 84.ean Eibarren gola egiteko zorian izan da Lekic, eta lau minutu geroago beste gol-aukera izan du serbiarrak, baina Codina atezainaren erantzuna ona izan da.
Itzuliko neurketa Ipuruan jokatuko da hilaren 17an, asteazkenean, 20:00etatik aurrera.
Fitxa teknikoa:
3.- Getafe: Codina; Valera, Vigaray, Alexis, Escudero; Juan Rodriguez, Míchel; Lafita (Emi, 78'), Sarabia, Hinestroza (Pedro Leon, 58'); eta Baba (Alvaro Vazquez, 58').
0.- Eibar: Irazusta; Capa, Ekiza, Añibarro, Lillo; Dani Nieto (Angel, 75'), Boateng (Dani Garcia, 66'), Errasti; Javi Lara; Piovaccari (Boveda, 71') eta Lekic
Golak:
1-0, 62': Sarabia;
2-0, 70': Alvaro Vazquez:
3-0, 74': Sarabia.
, 74': Sarabia.Zure interesekoa izan daiteke
Sergio Alvarezek eskuineko hankako giharretan haustura du
Klubak eman du lesioaren berri, eta jokalari armagina tratamendu espezifikoa jasotzen ari da dagoeneko.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.
Eric Perez, Eibarren lehen taldeko jokalaria
Aurrelaria 2001ean jaio zen Ermuan, eta kadete mailn iritsi zen talde armaginera. Eibarren bigarren taldearekin Bigarren RFEF mailara igo zen. Ondoren, harrobiko aurrelariak eskarmentua hartu du Alcorcon, Amorebieta eta Barakaldon utzita jokatuz.
Anaitz Arbilla: “Hasiera on bat izatea nik uste dut positiboa dela”
Eibar Teneriferen aurkako debuta prestatzen ari da. Talde armaginak igandean, 17:00etan, jokatuko du lehen partida. Anaitz Arbilla taldeko kapitainak hamaikagarren denboraldia hasiko du Eibarrekin. Ondo hastea garrantzitsua dela uste du.
Maria Carvajal, Eibarreko erdilari berria, Juventusek utzita
Corteganan (Huelva) jaio zen 2008an, eta 15 urterekin egin zuen debuta Lehen Mailan, Sporting Huelvarekin. Urtebeteko kontratua izango du talde armaginean.
Eibarrek Unai Elgezabal aurkeztu du: “Badakit hemengo jokalarien maila oso ona dela”
Erdiko atzelaria talde armaginera bueltatu da; azken bi denboraldiak Levanten eman ditu. Ipuruan izan da aurkezpena, ostegunean.
Eibarrek Unai Elgezabal fitxatu du, 2026-2027 denboraldirako
Erdiko atzelari bizkaitarra Levante taldetik iritsi da Eibarrera. Elgezabalek, 33 urtekoa bera, esperientzia du talde armaginean; izan ere, duela hamar urte ere aritu zen bertan. Gainera, Angel Tronchok ez du jarraituko Jokin Aranbarriren taldean.
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.