Ekiza: 'Garitanoren lana oso ordenatua ikusten dut, taldea bezalaxe'

Lehen mailarako armaginen ekarpen berrietako bat da nafarra, eta taldean pixkanaka-pixkanaka sartzen ari da. Ondo daki Ekizak Garitanoren arbelean garesti dagoela postua. “Inork ere ez zuen esan hona etortzea aski zela titular izateko”, adierazi du Eibarko jokalariak EiTBri eskainitako elkarrizketan.

Taldeak abiadura behar izan duenean bera izan da postuan, Vila-realen eta Bartzelonaren aurka, esaterako. Horren hitzetan, “gustuko dut Garitanoren lana, oso ordenatua ikusten dut, taldea ere halaxe dago”. Taldearen izaera kontraerasorako beti prest egotea dela azaldu du nafarrak. Gainera, larunbatean Joaquin Caparrosen taldearen aurka lehiatuko dira, eta Ekizak berarekin egin zuen lehen mailan debuta.