Gola sartzeko arazo handiak dituen Athleticek nahikoa ez den berdinketa erdietsi du Slavia Pragaren aurka
Jindrich Stanek atezain txekiarrak zuri-gorrien lau abagune argi zapuztu ditu. Bigarren zatian Slavia taldeko atezainak hiru aldiz salbatu du bere taldea ia jarraian.
Jindrich Stanek Slavia Pragako atezaina, Robert Navarroren burukada gelditzen. Argazkia: EFE
Athleticek golik gabe berdindu du Slavia Pragan, Txapeldunen Ligako bosgarren jardunaldian, eta nahikoa ez den puntu bat lortu du Fortuna Arenan. Talde bizkaitarrak gola egiteko aukera dezente izan ditu, baina ez du beste behin ere asmatu.
Jindrich Stanek atezain txekiarrak zuri-gorrien lau gol aukera argi ezer ezean utzi ditu, horietako lehena Oihan Sancetek izan du seigarren minutuan.
Nafarrak penalti puntuan Gorka Guruzetaren erdiraketa bat errematatu du, baina Staneken gorputzean jo du baloia. Bost minutu geroago, 11.ean, area ertzetik saiatu da, baina jaurtiketa langa gainetik joan zaio.
Bigarren zatian Slaviako atezainak hiru aldiz salbatu du bere taldea, ia jarraian, Navarroren (50. min), Sanceten (52. min) eta Navarroren (53. min) erremateak geldituz.
Aitor Paredes atzelari zuri-gorria ez da Athleticek eta PSGk San Mamesen jokatuko duten Txapeldunen Ligako seigarren jardunaldiko partidan izango, Arrigorriagako jokalariak hirugarren txartel horia ikusi baitu gaurko neurketan.
- Fitxa teknikoa:
0 - Slavia Praga: Stanek; Moses, Chaloupek, Zima; Doudera (Holes, 55. min), Sadilek, Zafeiris (Chytil, 79. min), Mbodji (Boril, 55. min); Provod, Chory eta Sanyang (Kusej, 55. min).
0 - Athletic Club: Unai Simon; Areso (Lekue, 79. min), Vivian, Paredes, Adama; Galarreta (Jauregizar, 59. min).
Epailea: Donatas Rumsas (Lituania). Txartel horiak atera dizkie Provodi (15.min), Choryri (15.min), Trpisovsky entrenatzaileari(41.min), Guruzetari (19.min), Galarretari (48+.min), Valverderi (60.min) eta Paredesi (85.min).
Fortuna Arenan jokatutako Txapeldunen Ligako Faseko bosgarren jardunaldiko partida, 20.000 ikusle ingururen aurrean, horien artean Athleticeko mila zale baino gehiago.
Zure interesekoa izan daiteke
Nanclaresek alta jaso du, Real Madrilen aurkako partidan hartutako kolpe baten ondorioz ospitaleratuta egon ostean
Olatz Santanak ordezkatu zuen Burgoseko atezaina; hala, Athleticeko jokalari gisa debuta egin zuen.
Urko Izeta: "Partidari buelta emateko gai dela erakutsi du taldeak"
Urko Izeta Athleticeko jokalaria Cultural Leonesaren aurkako kanporaketaz hitz egin du, neurketa amaitutakoan.
Athletic partida zoro batetik bizirik atera da Leonen, eta aurrera egin du Kopan (3-4)
Lehen zatian sei gol izan dira, eta partida hirutan berdintzeko gai izan da Valverderen taldea. Atsedenaldiaren ostean, Paredesi txartel gorria atera diote eta talde zuri-gorria jokalari bat gutxiago zuela geratu da. Unai Gomezek luzapenean penaltiz sartutako golak erabaki du neurketa.
Valverde Zigandari buruz: "Pertsona batzuekin lotura berezia duzu, eta nik berarekin horixe daukat"
"Zelaian genuen jokatzen genuenean eta kanpoan ere bai. Baina horrek ez du kentzen bihar elkar ikusi nahi ez izatea", esan du entrenatzaile zuri-gorriak txantxetan. Bestalde, Valverdek ohartarazi du Cultural Leonesaren aurkako Errege Kopako kanporaketari aurre egiteko "modu bakarra indartsu zelairatzea" dela, Bartzelonaren aurkako Superkopan jasotako jipoiaren "presioari" aurre eginez. Azkenik, adierazi du oraindik ez duela klubeko arduradunekin hitz egin bere etorkizunari buruz.
Badalonak Athleticen bolada ona geldiarazi du Lezaman (0-0)
Levante Badalonak Athleticen bolada ona geldiarazi du larunbat honetan Lezaman, golik eta ia aukerarik izan ez duen partida parekatu batean. Lau garaipen jarraian zeramatzaten zuri-gorriek, hiru F Moeve Ligan.
Valverdek onartu duenez, "aspaldi jokatutako partidarik txarrenetakoa da"
"Orain altxatu egin behar gara, guretzat itsusia izan den kolpe baten ostean. Era askotara gal dezakezu, baina atsedenaldira 4-0 galtzen zoazenean aurkaria zu baino dezente gehiago izan da", gaineratu du entrenatzaile zuri-gorriak, Bartzelonaren aurka Espainiako Superkopako finalerdian 5-0 galdu ostean.
Bartzelonak Athletic lotsagarri utzi du Superkopan, gainetik pasa eta bost gol sartuta (5-0)
Talde zuri-gorriak lau gol jaso ditu lehen zatian, blaugranen oldea gelditu ezinik. Bigarren zatian, norgehiagoka erabakita zegoela, neurketaren erritmoak behera egin du nabarmen.
Iñaki Williams: "Agian hitzak ez ziren egokiak izan, baina ez naiz damutzen"
"Ikusitakoa ikusita, naturala izatea eta gauzak norberak pentsatzen duen bezala esatea... askotan kontu pixka bat izan behar da, baina egia da gure zaleentzat gogaikarria dela. Agian formak ez ziren zuzenak izan, baina ziurrenik bihar etxetik kanpo jokatzea bezala izango da, jarraitzaile asko izango ez ditugulako", deitoratu du aurrelari zuri-gorriak. Ernesto Valverde Athleticeko entrenatzailea, ostera, pragmatikoago azaldu da berriro. "Pozik gaude hemen", esan du. Hala ere, "beste formato batekin, gure publikoarekin, aukera gehiago izango genituzke", onartu du prestatzaile zuri-gorriak.
Athleticek Saudi Arabian lur hartu du, sei ordu inguruko hegaldiaren ostean
Ernesto Valverderen Athletic 22:50ak aldera iritsi da, eta zuzenean Park Hyatt hotelera joan da. Bertan antolatzaileek jokalariak hartu dituzte. Astearte honetan, Athletic 18:00etan (Euskal Herriko ordua) entrenatuko da King Abdullah futbol-zelaian, Iñaki Williamsek eta Ernesto Valverdek 17:15etik aurrera eskainiko duten prentsaurrekoaren ostean.
Athletic Saudi Arabiara abiatu da, deialdian Yuri Berchiche eta Aymeric Laporte gabe
Talde zuri-gorriak azken lan saioa egin du gaur goizean Lezaman. Saudi Arabiara iritsi ondoren, Hyatt Jeddah hotelean hartuko du ostatu talde bilbotarrak.