Athleticek Slavia Pragari egingo dio bisita, ilusioari eusteko garaipenaren bila
Athleticek Slavia Praga Txekiar Ligako liderrari egingo dio bisita astearte honetan, Txapeldunen Ligako kanporaketen faserako sailkatzeko aukerak eta ilusioa mantentzeko garaipenaren bila.
Bi taldeak txapelketan jarraitzeko aukera ematen duten lehen 24 postuetatik kanpo iritsi dira liga fasearen erdialdera, Athletic hiru punturekin eta orain final-hamaseirenetarako txartela emango luketen lau puntuetatik batera eta Slavia, jokatutako lau partidetan bi berdinketa eskas lortu ondoren.
Testuinguru zail horretan, San Mamesen PSG izango baita lehoien hurrengo aurkaria, talde zuri-gorria Txekiara joango da, larunbatean Bartzelonan LaLigan jasotako jipoiaren ondotik.
Zalantza da Valverdek hamaikakoa berritzearen alde egingo duen, aurretik bi asteko geldialdia izan duen norgehiagoka baten ostean, edo neurketaren garrantzia ikusita, hasierako taldea mantentzea erabakiko duen.
Aurrean, Athleticek Slavia izango du, iragan denboralditik ezagutzen duen taldea. Txekiarrek txapelketako lehen garaipena bilatuko dute, soilik bi berdinketa bildu ondoren: etxean, Bodo Glimtekin (2-2), eta Bergamon, Atalantarekin (0-0), eta porrot argiak Inter (3-0) eta Arsenalen aurka (0-3).
Talde txekiarraren lehen garaipen hori lortzeko bideetako bat iragan denboraldian San Mamesen egin zuen joko bikaina errepikatzea izango litzateke, baina atea aurrean asmatuz; izan ere, Nico Williamsen gol batengatik galdu zuten, egun horretan Julen Agirrezabalari gola sartzeko gai izan ez zirelako.
Slavia pasa den denboraldian San Mamesetik igaro zen talderik onenetarikoa izan zen, eta biharko partidara bere herrialdeko ligako lider bezala heltzen da, Sparta arerio nagusiaren aurretik.
Biharkoa Athleticek Pragan jokatuko duen hirugarren norgehiagoka izango da, Spartaren aurrean bi neurketa galdu ostean. Lehenengoa 2-0 izan zen 1970eko Ferien Kopako lehen kanporaketako joanekoan, eta bigarrena, Marcelo Bielsa argentinarra aulkian zegoela, 3-1 Europa Ligako multzoen fasean 2012ko urriaren 4an.
- Hamaikako posibleak:
Athletic: Unai Simon; Areso, Paredes, Laporte, Yuri; Galarreta, Jauregizar; Berenguer, Sancet, Nico Williams; eta Guruzeta.
Slavia Praga: Markovic; Vicek, Chaloupek, Zima; Moses, Zaferis, Sadiek, Mbodji; Provod, Chory eta Sanyang.
Epailea: Donatas Rumsas (Lituania)
Futbol-zelaia: Fortuna Arena
Ordua: 21:00
Zure interesekoa izan daiteke
Nanclaresek alta jaso du, Real Madrilen aurkako partidan hartutako kolpe baten ondorioz ospitaleratuta egon ostean
Olatz Santanak ordezkatu zuen Burgoseko atezaina; hala, Athleticeko jokalari gisa debuta egin zuen.
Urko Izeta: "Partidari buelta emateko gai dela erakutsi du taldeak"
Urko Izeta Athleticeko jokalaria Cultural Leonesaren aurkako kanporaketaz hitz egin du, neurketa amaitutakoan.
Athletic partida zoro batetik bizirik atera da Leonen, eta aurrera egin du Kopan (3-4)
Lehen zatian sei gol izan dira, eta partida hirutan berdintzeko gai izan da Valverderen taldea. Atsedenaldiaren ostean, Paredesi txartel gorria atera diote eta talde zuri-gorria jokalari bat gutxiago zuela geratu da. Unai Gomezek luzapenean penaltiz sartutako golak erabaki du neurketa.
Valverde Zigandari buruz: "Pertsona batzuekin lotura berezia duzu, eta nik berarekin horixe daukat"
"Zelaian genuen jokatzen genuenean eta kanpoan ere bai. Baina horrek ez du kentzen bihar elkar ikusi nahi ez izatea", esan du entrenatzaile zuri-gorriak txantxetan. Bestalde, Valverdek ohartarazi du Cultural Leonesaren aurkako Errege Kopako kanporaketari aurre egiteko "modu bakarra indartsu zelairatzea" dela, Bartzelonaren aurkako Superkopan jasotako jipoiaren "presioari" aurre eginez. Azkenik, adierazi du oraindik ez duela klubeko arduradunekin hitz egin bere etorkizunari buruz.
Badalonak Athleticen bolada ona geldiarazi du Lezaman (0-0)
Levante Badalonak Athleticen bolada ona geldiarazi du larunbat honetan Lezaman, golik eta ia aukerarik izan ez duen partida parekatu batean. Lau garaipen jarraian zeramatzaten zuri-gorriek, hiru F Moeve Ligan.
Valverdek onartu duenez, "aspaldi jokatutako partidarik txarrenetakoa da"
"Orain altxatu egin behar gara, guretzat itsusia izan den kolpe baten ostean. Era askotara gal dezakezu, baina atsedenaldira 4-0 galtzen zoazenean aurkaria zu baino dezente gehiago izan da", gaineratu du entrenatzaile zuri-gorriak, Bartzelonaren aurka Espainiako Superkopako finalerdian 5-0 galdu ostean.
Bartzelonak Athletic lotsagarri utzi du Superkopan, gainetik pasa eta bost gol sartuta (5-0)
Talde zuri-gorriak lau gol jaso ditu lehen zatian, blaugranen oldea gelditu ezinik. Bigarren zatian, norgehiagoka erabakita zegoela, neurketaren erritmoak behera egin du nabarmen.
Iñaki Williams: "Agian hitzak ez ziren egokiak izan, baina ez naiz damutzen"
"Ikusitakoa ikusita, naturala izatea eta gauzak norberak pentsatzen duen bezala esatea... askotan kontu pixka bat izan behar da, baina egia da gure zaleentzat gogaikarria dela. Agian formak ez ziren zuzenak izan, baina ziurrenik bihar etxetik kanpo jokatzea bezala izango da, jarraitzaile asko izango ez ditugulako", deitoratu du aurrelari zuri-gorriak. Ernesto Valverde Athleticeko entrenatzailea, ostera, pragmatikoago azaldu da berriro. "Pozik gaude hemen", esan du. Hala ere, "beste formato batekin, gure publikoarekin, aukera gehiago izango genituzke", onartu du prestatzaile zuri-gorriak.
Athleticek Saudi Arabian lur hartu du, sei ordu inguruko hegaldiaren ostean
Ernesto Valverderen Athletic 22:50ak aldera iritsi da, eta zuzenean Park Hyatt hotelera joan da. Bertan antolatzaileek jokalariak hartu dituzte. Astearte honetan, Athletic 18:00etan (Euskal Herriko ordua) entrenatuko da King Abdullah futbol-zelaian, Iñaki Williamsek eta Ernesto Valverdek 17:15etik aurrera eskainiko duten prentsaurrekoaren ostean.
Athletic Saudi Arabiara abiatu da, deialdian Yuri Berchiche eta Aymeric Laporte gabe
Talde zuri-gorriak azken lan saioa egin du gaur goizean Lezaman. Saudi Arabiara iritsi ondoren, Hyatt Jeddah hotelean hartuko du ostatu talde bilbotarrak.