Athleticek hiru partida jokatu eta hirurak irabazi egin ditu, eta, gainera, lider dabil
Athleticek 1-2 irabazi dio Betisi, Sevillan, eta, horrenbestez, liga hasiera honetan jokoan izan diren bederatzi puntuetatik denak bereganatu ditu; hortaz, lider dabil, Real Madrilekin batera.
Partida bizia eta parekatua izan da, eta golak bigarren zatian heldu dira. Talde zuri-gorriaren lehen gola Marc Bartrak egin du, bere atean, eta bigarrena, berriz, Paredesek, buruz.
Neurketaren amaieran giroa gaiztotu da, eta epaileak Ernesto Valverde eta Padilla atezaina kanporatu ditu, txartel gorria aterata, aulkitik protesta egiteagatik.
Lehen zatia erritmo handikoa eta ikusgarria izan da, eta bi taldeek izan dute gola egiteko aukera. Athletici dagokionez, Iñaki Williamsek izan du abagune garbiena, baina huts egin du, Valles atezainaren aurrean bakarrik zegoela. Aldaratzean, berriz, Sancetek kanpora bota du baloia, ozta-ozta izan bada ere.
Laster erantzun dio Betisek talde zuri-gorriari. Pablo Garciak jaurtiketa bortitza egin du area ertzetik, baina baloiak langa jo du, Aresok aldenduta.
Horrela, bada, eta partida bizia jokatu arren, husna joan dira bi taldeak aldageletara, eta dena bigarren zatian erabakitzeko utzi dute.
Aldageletatik bueltan, erasokor zelairatu dira bi taldeak. Lehen minutuetan arrisku gehiago Betisek sortu badu ere, Ernesto Valverderen taldea aurreratu da markagailuan, Marc Bartrak baloia bere atean sartuta, Yurik egindako erdiraketaren ostean.
Hurrengo minutuetan etxeko taldeak aurrerapausoa eman du, berdinketa berehala lortu nahian. Athletic, baina, ondo aritu da defentsako lanetan, eta, gainera, bigarren kolpea eman dio Pellegriniren taldeari neurketaren azken txanpan.
Bigarren zatian zelairatu den Robert Navarrok erdiraketa bikaina egin du, eta Paredesek, buruz, baloia sarera bidali du: 0-2.
Luzapenean, partida amaitzear zegoenean, Bakambuk sartu du 1-2koa, Junior Firpok egindako erdiraketa baliatuta, eta partida berotu egin da.
Epaileak txartel horia atera dio Maroan Sannadiri, Natani ukondokada jotzeagatik; eta ondoren, txartel gorri bana atera die aulkian zegoen Padillari, baloia denbora galtzeko urruntzeagatik, eta Ernesto Valverderi, protesta egiteagatik.
Iskanbilarekin amaitu da neurketa. Eta partida bukatuta egon arren, epaileak txartel horia atera die Berenguerri eta Firpori, oldartu egin direlako.
Athleticek hirugarrenez irabazi du ligan, jarraian, baina ederto hasi den partida, itsusi bukatu da.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.