Athleticek emaitza ona lortu nahi du Manchester Uniteden aurka San Mamesen, finalerdietako joaneko partidan
Athleticek Manchester United izango du aurkari gaur, Europa Ligako finalerdietako joaneko partidan. Norgehiagoka San Mamesen jokatuko da, 21:00etan. Itzuliko neurketa maiatzaren 8an jokatuko da, Old Trafforden (Manchester).
Zuri-gorriek emaitza ona lortu nahi dute, itzuliko lehiara berme handiagoarekin heltzeko. Athleticen, Oihan Sancet ez da jokatzeko prest egongo, min hartuta baitago. Nafarroako futbolariarena baja garrantzitsua da Ernesto Valverdek zuzentzen duen taldearentzat. Unai Gomezek edo Berenguerrek beteko dute haren postua. Bestela, Valverdek prest ditu beste jokalari guztiak.
Manchester United ez dabil ondo Premier Leaguen (Ingalaterrako Liga), baina Europa Ligan bikain ari da. Hasierako ligaxka sailkapeneko 3. postuan amaitu zuen, 18 punturekin, bigarren izan zen Athleticek eta lehena izan zen Laziok baino puntu bat gehiagorekin. Final-zortzirenetan Reala kanporatu zuen, Anoetan 1-1 berdindu eta Old Trafforden 4-1 irabazita. Final-laurdenetan gogotik sufritu zuen Olympique Lyonen kontra; Lyonen 2-2 berdindu ostean, Manchesterren 5-4 irabazi zuen Ruben Amorimek zuzentzen duen taldeak.
Ingalaterrako Ligan ondo ez dabilen arren, izarrez betetako taldea da Manchester United. Bruno Fernandes da taldeko izar nagusia, baina baditu kalitate handiko beste hainbat jokalari ere; adibidez, Garnacho, Yoro, De Light, Dorgu, Mount, Casemiro, Mainoo eta Hojlund. Horrez gain, Unitedek baja garrantzitsuak ditu San Mameserako: Diogo Dalot da esanguratsuena, baina Lisandro Martinez eta Zirkzee ere ez dira jokatzeko prest egongo.
Ustezko hamaikakoak:
Athletic Club: Julen Agirrezabala, De Marcos, Vivian, Yeray, Yuri, Jauregizar, Galarreta, Berenguer edo Unai Gomez, Iñaki Williams, Nico Williams eta Maroan Sannadi
Manchester United: Onana, Shaw, De Light, Yoro, Dorgu, Mazraoui, Casemiro, Mainoo, Bruno Fernandes, Garnacho eta Hojlund.
Epailea: Espen Eskas (Norvegia).
Zelaia: San Mames.
Ordua: 21:00.
Zure interesekoa izan daiteke
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.