Iñaki Williamsen gola nahikoa izan da Athleticek Las Palmas mendean hartzeko (1-0)
Athleticek 1-0 irabazi dio Las Palmasi asteazken honetan San Mamesen jokatu den EA Sports Ligako 33. jardunaldian. Ez da zuri-gorrien partidarik onena izan, baina Iñaki Williamsek partida hasi eta bost minutura sartutako gola nahikoa izan dute garaipena bermatzeko.
Hasi eta bost minutura, lehoiek markagailua ireki dute Iñaki Williamsen golari esker. Berak hasi du jokaldia hegaletik, baloia Galarretari eman eta areara korrika sartu da, eta taldekideak itzuli dio, zehaztasun handiz itzuli ere. Williams anaietako zaharrenak baloia hartu eta, presarik gabe, atezaina gainditu du behetik (1-0).
Las Palmas saiatu da, baina zuri-gorriek sendo eutsi diote eta ez dute asko sufritu. Berri txarra Sanceten eskutik etorri da, zelaia utzi behar izan baitu, min hartuta. Canalesek ordezkatu du.
Hurrengo minutuetan jokoaren erritmoa lasaitu da eta ez da talde bakar bat ere nagusi izan. Kanpoko taldeak markagailua berdintzeko abagune ona izan du McBurnie Unai Simonen aurrean bakarrik geratu denean kontraeraso batean, baina euskal atezaina ondo atera da eta jaurtiketa estali du.
Bigarren zatia hasi eta berehala, Berenguer aldea handitzeko zorian egon da burukada batekin, bigarren zutoinaren bila, baina langarekin egin du topo. Martxa arinduta, Athletic gol gehiagoren bila atera da eta gorago presionatu du.
Maroanek ere makatzeko aukera ona izan du, baina aurkariaren atezainak ondo gelditu du jaurtiketa. Horien aldetik, Januzajek izugarrizko jaurtiketa egin du urrutitik, langa dardarka utzi du, eta San Mames isildu da.
Azken minutuetan, Unai Simon berriro agertu da aurkariaren beste aukera bat galarazteko, taldea salbatu du eta balio handiko garaipena ziurtatu dute.
Fitxa teknikoa:
1 - Athletic Club: Unai Simon; De Marcos, Vivian, Yeray, Yuri; Galarreta (Prados, 84. min), Jauregizar; Iñaki Williams, Sancet (Canales, 22. min), Berenguer (Nico Williams, 65. min); eta Maroan (Guruzeta, 84. min).
0 - Las Palmas: Horkas; Viti, Alex Suarez (Marc Cardona, 84. min), McKenna, Mika Marmol; Marvin (Januzaj, 73. min), Bajcetic (Campaña, 84. min), Essugo, Sandro (Manu Fuster, 64. min); Moleiro eta McBurnie (Jaime Mata, 64. min).
Gola: 1-0, 5. min: Iñaki Williams.
Epailea: Isidro Diaz de Mera Escuderos. Txartel horia atera die Yuri, Bajcetic, McBurnie eta Alex Suarez jokalariei.
Zure interesekoa izan daiteke
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.