Athleticek Erromaren aurka galdu du, eta buelta eman beharko dio kanporaketari San Mamesen (2-1)
Athleticek 2-1 galdu du Erromaren aurka ostegun honetan, Erromako zelai olinpikoan jokatu den Europa Ligako final-zortzirenetako joaneko partidan. Iñaki Williamsek aurretik jarri ditu bisitariak, baina Angeliñok eta Shomurodovek emaitza irauli dute, eta, ondorioz, zuri-gorriek kanporaketari buelta eman beharko diote San Mamesen.
Partida Italiako taldearen nagusitasunarekin hasi da, baloiaren jabetza baitzuen. Athletic ondo kokatuta zegoen zelaian, aurkariaren jokaldiak garaiz mozten eta atzean gehiegi sartu gabe.
Lehen jokaldi arriskutsua Erromak egin du, Dovbyken eta Vivianen arteko lehia batean. Jokaldia ukrainarraren irristada batekin amaitu da, baina Vivianek min hartu du eta zelaia utzi behar izan du. Paredesek ordezkatu du.
Zortea bisitarien alde jarri da Baldanzi arearaino iritsi eta baloia atzean utzi duenean, Dybalak langara bidali baitu. Athleticek Iñaki Williamsen erdiraketa batekin erantzun du, Maroanek errematatu duena, baina kanpora joan zaio gutxigatik.
Oro har, atezainek ez dute lan gehiegirik izan lehen zatian, eta falten kopurua nabarmendu da.
Valverderen taldeak beste martxa batekin hasi du bigarren zatia, eta bost minutura ireki du markagailua. Korner batean, Paredesek goitik behera errematatu du, eta errebotea Iñaki Williamsek bidali du sare barrura (0-1).
Hala ere, gutxi iraun die pozak lehoiei. Erromak erasora jo du, Baldanzik eta Pisillik ez dute asmatu, baina hirugarren aukeran, Angeliñok baloia jaso du area barruan, eta berdinketa jarri du markagailuan (1-1), baloia sare barrura bidalita.
Guruzeta eta Prados Maroan eta Jauregizarren ordez zelairatu ditu Valverdek, taldea freskatzeko, eta lerroak igo ditu gehiago erasotzeko. Eraso horietako batean harrapatu du Unai Gomezek Williamsen erdiraketa, baina burukada kanpora joan zaio. Hurrengoan, Berenguerrek (Nico ordezkatu du) indartsuegi jo du Iñakik emandako baloia, eta zerura bidali du.
Azken minutuetan, Yerayk falta egin dio Shomurodovi, eta bigarren txartel horia ikusi du; ondorioz, taldea bat gutxiagorekin utzi du.
Athleticek azken unera arte sufritu du, eta Shomurodovek garaipenaren gola sartu du (2-1) azken minutuan.
Fitxa teknikoa:
2.- Erroma: Svilar; Celik, Mancini, Ndicka; Rensch (Saelemaekers, 60. min), Pisilli (Kone, 78. min), Cristante, Angeliño; Dybala (Soule, 72. min), Baldanzi (Baldanzi, 60. min); Dovbyk (Shomurodov, 72. min).
1.- Athletic: Agirrezabala; De Marcos, Vivian (Paredes, 23. min), Yerai, Yuri; Galarreta, Jauregizar (Beñat Prados, 63. min); Iñaki Williams, Unai Gomez (Vesga, 78. min), Nico Williams (Berenguer, 78. min); Maroan (Guruzeta, 63. min).
Golak: 0-1, 50. min: Iñaki Williams. 1-1, 56. min: Angeliño. 2-1, 94. min: Shomurodov.
Epailea: Sandro Scharer. Txartel horia atera die Shomurodov, Yerai, Jauregizar eta Maroan jokalariei. Yerai kanporatu du, bigarren txartel horia erakutsi ostean txartel gorria aterata.
Zure interesekoa izan daiteke
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.