Athleticek Getaferen aurka berdinduta estreinatu du Liga, partida gogorra jokatuta (1-1)
Athleticek EA Sports Ligako 2024-2025 denboraldia estreinatu du Getaferen aurka San Mamesen berdinduta (1-1), hasieratik asko zaildu zaion partidan. Bilboko taldeari asko kostatu zaio aurkariari min egitea, eta, Sanceten golarekin markagailuan aurrea hartu duen arren, ezin izan dio emaitzari eutsi eta puntu bakarrarekin konformatu behar izan du.
Lehen abisua talde bisitariak eman du, Carles Perezen jaurtiketa batekin, baina kanpora joan da, zutoinetik oso gertu. Ordu laurdenera, Uchek egin du proba. Gogor astindu du baloia, baina Padillak ondo sartu ditu ukabilak baloia desbideratzeko.
Getafe jaun eta jabe izan da lehen zatian, eta atezain zuri-gorria azkar ibili behar izan da arrisku aukerak saihesteko. Hala ere, etxekoek egin dute gola, izan duten abagune argi bakarrean. Sancetek area ingurura eraman du baloia, zuloa ikusi du eta baloia zutoin ondotik sartu du, 2024-2025 denboraldiko EA Sports Ligako lehen gola egiteko.
Horrela amaitu da lehen zatia, Iñaki Williamsen azken saiakeraren ostean, baina gutxigatik joan da kanpora.
Bigarren zatia hasi eta berehala, Getafek sustoa eman dio berriro San Mameseko publikoari, Gonzalezen jaurtiketak zutoina jo baitu, baina jokoz kanpo zegoen.
Ondoren, Athleticek defentsan egindako akats batek Aleña bakarrik utzi du Padillaren aurrean, eta beste behin hanka atera eta bere taldea salbatu du.
64. minutuan, Uchek buruz errematatu du korner bat markagailuan berdinketa jartzeko (1-1).
Hurrengo minutuak pultsu bat izan dira, eta bi taldeek erasora jo dute. Athleticek jokaldi on pare bat egin ditu, baina ez dute fruiturik eman. Yurik ere gola izan du bere oinetan, baina jokaldia baliogabetu dute jokoz kanpo zegoelako.
Azkenean, bi taldeek puntu bana lortu dute 2024-25 denboraldiari hasiera eman dion partidan.
Fitxa teknikoa:
1 - Athletic: Padilla; Gorosabel (Lekue, 81. min), Yeray, Paredes (Vivian, 81. min), Yuri; Prados (Herrera, 57. min), Vesga (Unai Gomez, 57. min); Iñaki Williams, Sancet, Berenguer (Nico Williams, 72. min); eta Guruzeta.
1 - Getafe: Soria; Iglesias, Djene, Alderete, Diego Rico; Nabil, Arambarri (Aleñà, 40. min), Milla, Uche; Carles Perez (Peter Federico, 46. min), Sola (Yellu, 79. min).
Golak: 1-0, 27. min: Sancet. 1-1, 64. min: Uche.
Epailea: Alejandro Muñiz Ruiz. Txartel horia atera die Athleticeko Prados, Unai Gomez, Gorosabel eta Herrerari eta Getafeko Ucheri.
Zure interesekoa izan daiteke
Galarreta: “Galtzen hasi ondoren, puntu bat ondo dago"
Athleticeko jokalariak larunbat honetan Elxen aurka lortutako berdinketaz (1-1) hitz egin du, San Mamesen jokatu den EA Sports Ligako bosgarren jardunaldiko partidan.
Athleticek puntu bat berreskuratu du Elxen aurka (1-1)
Buonanottek penaltiz aurreratu du talde andaluziarra, baina Chustek bere atean sartutako gol batek markagailua berdindu du euskal taldeari puntu bat emateko.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Edin Terzic: “Elx talde ausarta da eta guk ere joko ausarta egin beharko dugu"
Bilbotarrek Elx hartuko dute larunbatean San Mamesen, EA Sports Ligako 5. jardunaldian. Hirugarren garaipena jarraian lortzea da Terzicen taldearen helburua.
Gorka Guruzetak lesio moderatua du eskuin belauneko iskiotibialean
Athleticeko aurrelaria, horrenbestez, ziurrenik baja izango da larunbatean, Bilboko taldeak San Mamesen Elxen aurka jokatuko duen partidan, eta ez dago argi datorren asteko bi partidetan jokatzeko moduan izango den, hau da, Levanteren eta Alavesen kontra.
Johaneko, Athleticeko jokalaria: “Oso harro nago. Lanean jarraitu behar da minutuak izateko”
Louis-Jean Johanekok debuta egin du denboraldi honetan lehen taldearekin, eta bere sentipenak partekatu ditu prentsaurrekoan.
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Oihan Sancet: “Partida ikaragarria egin dugu"
Athleticek 3-0 irabazi dio Atletico Madril taldeari San Mamesen, EA Sports Ligako 4. jardunaldiko partidan. Nico Williams, Robert Navarro eta Oihan Sancet izan dira golegileak.
Athleticek garaipen handia lortu du San Mamesen, Atletico menderatuta (3-0)
Athleticen lehen bi golak bigarren zatiaren hasieran iritsi dira, bata bestearen atzetik izandako bi jokalditan; Nico Williams eta Robert Navarro izan dira golegileak. Hirugarrena, berriz, Oihan Sancetek sartu du, neurketaren azken txanpan.
Terzic: “Ez dago talde garaiezinik, eta, are gutxiago, etxean jokatzen badugu”
Athleticek Atletico Madril hartuko du larunbatean San Mamesen. Edin Terzicek adierazi du badakiela aurkariak maila handia duela, baina esan du Bilboko taldea prest dagoela onenei aurre egiteko.