Unai Gomezek kontratua berritu du Athleticekin 2028ra arte
Unai Gomezek kontratua berritu du Athleticekin, 2028ko ekainaren 30era arte, klubak ostiral honetan, urriaren 20an, jakinarazi duenez. Beraz, Bermeoko (Bizkaia) 20 urteko jokalariak beste lau denboraldiz jarraituko du Bilboko klubari lotuta.
Gomezek 2023-2024 denboraldian egin du debuta Lehen Mailan. EA Sports Ligako lehen jardunaldian Real Madrilen aurka estreinatu zen. Abuztuaren 12an San Mamesen jokatu zen partida hartan, hasierako hamaikakoan egon zen Gomez, eta lehen zatia osorik jokatu zuen. Bi aste geroago, abuztuaren 27an, bere lehen gola sartu zuen maila gorenean, San Mamesen, Betisen aurkako neurketan. Gainera, Cadizen eta Almeriaren kontrako norgehiagoketan ere minutuak izan zituen. Beraz, lau neurketa jokatu ditu Lehen Mailan Athleticekin, guztiak San Mamesen.
Klubak argitu duenez, Unai Gomezen loturak helburuen araberako osagai aldakorra duen soldata-egitura du. Hau da, soldataren zati bat finkoa izango da, eta bestea, helburuen araberakoa.
"Hau egia bihurtutako ametsa da. Beti egin dut amets Athleticen lehen taldean jokatzearekin, eta asko baloratzen dut klubak egindako apustua. Hasi berria naiz, lau partida daramatzat Lehen Mailan, eta hau ibilbide luze baten hasiera polita izan dadila espero dut".
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.